چیگره بیلمس شفاکارلر تشکیلاتینینگ اعلام قیلیشیچه، افغانستان جنوبیده توییب آوقتلنمهیدیگن بالهلر سانی کوپهیگن.
اوشبو تشکیلات، اوتگن کونی بیر بیانیه آرقهلی یازیشیچه، جاری ییل جنوری آییدن اپریل آییگچه افغانستان جنوبیده چیگره بیلمس شفاکارلر تشکیلاتی حمایتی آستیدهگی مرکزیگه توییب آوقتلنمهیدیگن بالهلر مراجعت قیلیشی، اوتگن اوچ ییل بو دورهگه قرهگنده ۳۰ فایز کوپهیگن.
چیگره بیلمس شفاکارلر تشکیلاتینینگ کوپهیتیریشیچه، افغانستان گه خلقارا یاردملر کمهیگنی، کیتمه-کیت قوروقچیلیکلر و طبی آزیق-اوقتلر تامینلنیشی بوییچه قیینچیلیکلر، توییب آوقتلنمسلیک کوپهیشی عامللریدن دیر.
بو نهاد، افغانستان جنوبیده آوقتلنیش وضعیتی یامانلنیشی آلدی آلینیشی مقصد آوقتلنیش حمایتلری اوچون بودجه و منبعلرگه افضللیک بیریلیشینی سورهگن.
بوندن آلدین بیرلشگن ملتلر تشکیلاتی، جاری میلادی ییلده افغانستان ده بیش یاشنی تولدیرمهگن قریب اوچ میلیون ۷۰۰ مینگ بالهنینگ جدی شکلده توییب آوقتلنمسلیککه چلینیش احتمالینی معلوم قیلگن ایدی.
