ینگیلیکده، بیرلشگن ملتلر تشکیلاتی نینگ بالهلردن حمایت قیلووچی صندیغی (یونیسف)، اوشبو میلادی ییل ده افغانستان ده ایکی میلیون ۳۰۰ مینگ باله توییب آوقاتلنمسلیککه چلینیب و اولر ارا ۸۷۵ مینگ باله تیز دوالنیش گه ضرورت تاپیشی ممکن دیگن.
افغانستان ده یونیسف نمایندهسی فران اکیزا گه کوره: «بوییل ایکی میلیون دن آرتیق باله توییب آوقاتلنمسلیککه چلینیشی کوتیلهدی اولر ارا ۸۷۵ مینگ تهسی تیز دوالنیش گه ضرورت تاپیشی ممکن، قریب ۸۴۰ مینگ حامله عیال هم توییب آوقاتلنمسلیککه چلینیب و اکثریتی اولیم خوفی بیلن دوچ بولیشلری کوتیلهدی.»
عینحالده، کابل ده اندراگاندی کسلخانهسی مسئوللری نینگ ایتیشلریچه، اوتگن بیر ییل ده اوشبو کسلخانه ده توییب آوقاتلنمسلیککه چلینگن ۱۲۵ مینگ باله آلیب کیلینگن و اولر ارا ۸۰ باله وفات ایتگن.
بیزلرنینگ فیسبوک صحیفهمیزگه باش اورینگ!
اندراگاندی کسلخانهسی نینگ توییب آوقاتلنمسلیککه چلینیش بولیمی مسئولی حسیبا یوسفی گه کوره: «اوتگن اوچ آی ده توییب آوقاتلنمسلیککه چلینگن ۳۰۰ باله صحت طفل کسلخانهسی گه آلیب کیلینگن، اوشبو کسللیک طفیلی اولر دن ۹ تهسی وفات ایتگن.»
بالهسینی درمان اوچون اندراگاندی کسلخانهسی گه آلیب کیلگن کاپیسالیک خالصه نینگ ایتیشیچه، کمبغللیک باعث بالهسی توییب آوقاتلنمسلیککه چلینگن.
اونگه کوره: «اوییمیزده بیردن ایکی چقهلاق پیدا بولدی؛ بیری ساغ دیر و باشقه بیری کمبغللیک باعث توییب آوقاتلنمسلیککه چلینگن.»
ننگرهار یشاوچیسی دوران، بالهسی اندراگاندی کسلخانهسی ده بستری دیر، ساغلیقنی سقلش وزیرلیگی دن اوز ولایتلریده توییب آوقاتلنمسلیککه چلینگن بالهلرنی درمانی اوچون زمینه یرهتیشینی طلب قیلهدی.
او نینگ کوپهیتیریشیچه: «اسلام امیرلیگی دن ولایتلریمیزدهگی کسلخانهلرده توییب آوقاتلنمسلیککه چلینگن بالهلرنی درمانلش اوچون زمینه یرهتیشینی ایستهیمیز، اقتصادی قیینچیلیک باعث بالهلر ساغهیمهیدی و اسلام امیرلیگی دن بیز گه یاردم بیریشینی ایستهیمیز.»
شفاکارلردن قطاری، یشاوچیلر تامانیدن طبی قاعدهلر رعایت ایتیلمسلیگی و بالهلر واکسین قیلینمسلیگینی، افغانستان ده بالهلر توییب آوقاتلنمسلیککه چلینیش عاملی عنوان قیلهدیلر.
بیزلرنینگ توییترده هم تعقیب قیلینگ!
اندراگاندی کسلخانهسی ده شفاکار، عارف حسنزی نینگ ایتیشیچه: «آنهلر آلتی آی گچه چقهلاقلری گه سوت بیریشلری کیرهک و شونینگدیک، بالهلرینی واکسین قیلیشلری لازم.»
ایتیش کیرهک که، بوندن آلدین یاردم بیرووچی نهادلردن قطاری، دنیا همجمعیت نینگ انسان پرورلیک یاردملری کیسیلیشی بیلن افغانستان ده قشاقلر سانی کوپهیب و بالهلر توییب آوقاتلنمسلیککه چلینیشلرینی ایتگن ایدی.
