افغانستان و اوکراین عیال‌لریدن قطاری بیر ییغین اوتکزیب مذکور ایکی مملکت‌ده عیاللر نینگ وضعیتی، صلح و امنیت برقرار ایتیلیشی گه توجه قیلیش‌لرینی سوره‌گنلر.
آمریکا‌ده تینچلیک، خوفسیزلیک و عیال لر اوچون جورج‌تاون موسسه‌سی، اوتگن کون دنیا عیال‌لری آره‌سیده یولگه قویلگن ییغین نینگ میزبانی ایدی. مذکور ییغین‌ده افغانستان و اوکراین عیال‌لری نینگ اورغولشیچه، بیر بحران باشقه بحران‌نی حل قیلمه‌یدی، شونی اوچون دنیا اولکه‌لری ایکی مملکت قیین‌چیلیگی گه توجه قیلیشی کیره‌ک.
شونینگدیک مذکور موسسه نینگ ایتیشیچه، افغانستانده عیاللر حقوقی نی رعایت قیلیش پایدار رواجلنیش، اجتماعی ثبات و نهایت‌ده تینچلیک اساسی دیر. اوشبو ییغین‌ده شونینگدیک ناروی رسمی‌لریدن بیری افغانستانده عیاللر حقوقی‌دن حمایت قیلیش خصوصیده اورغوله‌گن.
اوشبو ییغین گه شرکت قیلگن افغانستان بشری حقوقی و عیاللر اوچون آمریکا خاص نماینده‌سی رینا امیری، توییتر صحیفه‌سیده یازگن که، مذکور ییغین‌ده افغانستان عیال‌لری گه بعضی عمللر خصوصیده یره‌تیلگن چیکلاو‌لر، اسلام دنیاسی نینگ هیچ بیر ییریده کوریلمه‌گنی نی ایتگن.
ایتیش کیره‌ک که، اوشبو ییغین افغانستان واوکراین کبی مملکت‌لرده‌گی عیال‌لردن حمایت قیلیش صفتیده یولگه قویله‌دی.
