هند میدیالری مذکور مملکت تشقی ایشلر وزیرلیگی‌دن نقل قیلیب گزارش بیریشلریچه، ینگی دهلی اوتگن کون (سه شنبه، ۳-حوت) هندوستان یاردم بیرگن بوغدایلرینی واگه بندرگاهی آرقه‌لی افغانستان گه یوبارگن دیر.
هندوستان میدیالری نینگ گزارشی اساسیده، ۵۰ یوک تاشووچی موتر گه یوکلنگن ۲۵۰۰ متریک تُن بیرینچی بوغدای یاردم‌لری، اوشبو مملکت تشقی ایشلر وزیرلیگی نینگ رسمی‌لری و افغانستان سابق دولت ایلچیسی حضوری بیلن جونه‌تیلگن.
بیزلرنینگ فیسبوک صحیفه‌میزگه باش اورینگ!
عین‌حالده، هند مملکتی ۵۰ مینگ تُن گه یقین بوغداینی پاکستان نینگ واگه بندرگاهی آرقه‌لی افغانستان گه یوباریشی ممکن. شونینگ‌دیک نیچه پیت آلدین اوشبو مملکت نینگ مذکور یاردم‌لری پاکستان توپراغی آرقه‌لی افغانستان گه یوباریلیشی کوتیلردی؛ بیراق پاکستان قرشی‌لیگی باعث، یاردم‌لر یوباریلمه‌دی.
پاکستان ییتکیرمه‌لری نینگ ینگی گزارشی اساسیده، ینگی دهلی اوشبو یاردم‌لرنی پاکستان توپراغی آرقه‌لی افغانستان گه انتقال بیریلیشی اوچون پاکستان بیلن کیلیشگن. عین‌حالده، مملکت‌ده سونگی سیاسی اوزگریش‌لردن کیین، یشاوچی‌لر کوپینچه اقتصادی قیینچیلیک‌لر بیلن روپه‌رو بولگن‌لر و اکثر اهالی عایله‌لری نینگ ییگولیک آزیق-آوقت لرینی تامینله‌ی آلمه‌یدیلر.
