اقتصاد وزیرلیگی، اوشبو مالیهوی ییل باشلنگنیدن بیری ۵۳۴ ته ترقیاتی لایحه بودجهسی ایچکی درآمدلردن تأمینلنگنینی بیلدیردی.
اقتصاد وزیرلیگی سوزلاوچیسی عبدالرحمان حبیب گه کوره، بو لایحهلر زراعت، چارواچیلیک، انرژی، معارف، سوولرنی باشقریش، آست قوریلمهلر، طبیات و باشقه ساحهلرده عملگه آشیریلگن. او شوندهی دییدی: «اولردن ۱۲۵ ته ینگی لایحه و قالگنی انتقالی لایحهلر بولگن – اولر ۳۷۰ قوریلیش لایحه، ۱۴۱ خدماتی لایحه و ۲۳ ته هم اجناس لایحهسینی اوز ایچیگه آلهدی.»
اقتصاد وزیرلیگی سوزلاوچیسینینگ ایتیشیچه، مذکور لایحهلر عملگه آشیریلگنی بیلن مینگلب کیشی گه ایش فرصتلری یرهتیلگن.
باشقه تاماندن ایریم اقتصاد شناسلر، ایچکی درآمدلردن ترقیاتی لایحهلر بودجهسی تأمین ایتیلیشی افغانستان اقتصادی ترقیاتی و بو مملکتنینگ تشقی یاردملر گه قرهملیگی کمهیشیگه آلیب کیلیشینی ایتهدیلر.
اقتصاد شناس امیدالله قاسمزینینگ ایتیشیچه، سرمایه کیریتیشلرنی ترغیب ایتیش و افغانستان اقتصادی برقرارلیگی کوچهیشی، ترقیاتی لایحهلرنینگ عملگه آشیریلیشیگه باغلیق دیر. اونینگ فکریچه: «ترقیاتی لایحهلر عملگه آشیریلیشی ترقیات و اهالی آسایشتهلیگی یخشیلنیشی یانیده ایش فرصتلرینی یرهتهدی و سرمایه کیریتووچیلرنی سرمایه کیریتیش گه ترغیب ایتهدی.»
اقتصاد شناس سیر قریشی شوندهی دییدی: «کوپراق زراعت، برق و ایش فرصتلری یرهتیلیشی گه دقت قیلینسه، چونکی آدملر حاضرگی کونده همه نرسهدن کوره ایش و درآمد گه احتیاجی بار؛ بوتوغریدهگی اساسی معما بودجه آزلیگی دیر.»
آست قوریلمهلر، زراعت و باشقه ساحهلرده سرمایه کیریتیش، افغانستانده اقتصاد کوچلنیشی و ایش فرصتلری یرهتیلیشی اوچون مهم یونهلیشلردن حسابلنهدی.
