بدخشان اقتصاد ریاستی مسئوللری، جاری قویاش ییل‌ده اوشبو ولایت‌ده ایکی میلیارد ۷۱۵ میلیون افغانی‌لیک ۹۵ ته ترقیاتی لایحه‌نینگ، عملگه آشیریلیب و عملگه آشیریلماقده‌لیگی‌دن خبر بیرگن.
بدخشان اقتصاد باشلیغی دین‌غلام اسامه‌نینگ ایتیشیچه، ۳۱۵ میلیون افغانی‌لیک ۲۱ لایحه حکومت بودجه‌سی و ایکی میلیارد ۴۰۰ میلیون افغانی‌لیک باشقه ۷۴ لایحه ایسه موسسه‌لر بودجه‌سیدن تمویل بولگن.
بیزلرنینگ «ایکس» ترماغی ده هم تعقیب قیلینگ!
جناب اسامه‌نینگ کوپه‌یتیریشیچه، مذکور لایحه‌لر ایکینچیلیک (اصلاح بولگن اوروغ‌لر ترقه‌تیلیشی، ایسیق‌خانه‌لر، تاووق‌دارلیک و اری فارم‌لری ایجاد بولیشی)، ساغلیق (دوالنیش مرکزلری قوریلیشی و جهازلنیشی)، تعلیم (محلی صنف‌لر کوچلنیشی و قوریلیشی) و طبیعی واقعه‌لر کمه‌یشی (اوتیش یوللر و دیوارلر قوریلیشی) دن عبارت دیر.
اونگه کوره، بدخشان‌نینگ ایکینچیلیککه تیگیشلی بولگنی و طبیعی واقعه‌لر برابریده اوشبو ولایت جبرلنیشی‌گه توجه قیلیش بیلن، لایحه‌لرنینگ اساسی اعتباری بو لایحه‌لرگه قره‌تیلگن.
بیزلرنینگ فیسبوک صحیفه‌میزگه باش اورینگ!
بدخشان دایم اساسی آست‌قورمه‌لر یوقلیگی و اقتصادی چیکلاولر کبی قیین‌چیلیک‌لر بیلن روپه‌ره بولگن دیر. شونده‌ی بیرحالده، اهالی‌نینگ جدی شکلده ایکینچیلیک و تجارت گه تیگیشلی بولگنی، بو ولایت‌ده ترقیاتی لایحه‌لر اهمیتی‌نی ایکی برابر قیلگن.
