کابل و اسلام‌آباد دوشنبه کونی بیر-بیری گه قرشی جدی توقنشوو گواهی اېدی. پکتیکا و خوست ولایت‌لریده پاکستان هوا هجوم اۉیوشتیریشیدن سۉنگ بو توقنشوولر باشلندی، پاکستان بو ولایت‌لرده پاکستان‌لیک‌لر طالبلر تحریکی (تی‌تی‌پی) قوماندان‌لریدن حافظ گل بهار نینگ قوروقچیلری نینگ نشانگه آلگنینی ادعا قیلگن.
اسلام امیرلیگی اوشبو هجوم‌لر گه مناسبت بیلدیریب، دیورند چېزیغیده پاکستان حربی کوچلری نینگ مرکزلرینی نشانگه آلدی و اوشبو توقنشوولر پکتیا، پکتیکا و خوست ولایت‌لریده دوشنبه کیچه کېچ قورونگچه دوام تاپگن و بو توقنشوولر نینگ تلفاتی و زیان‌لری حقیده حاضرگچه معلومات بیریلمه‌گن.
بیزلرنینگ فیسبوک صحیفه‌میزگه باش اورینگ!
ایش بیلرمانلر بو کبی توقنشوولرنی ایکّی مملکت زیانی گه دیب بیله‌دیلر.
خلق‌ارا ایش بیلرمان ضیا حسینی گه کوره: «مسلم بولگن نرسه هوایی حریم نقض اېتیلیشی و بیر مملکت نینگ چېگره‌سی گه باستیریب کېریش دیر که ایکّی مملکت نینگ اوزاقلشی گه سبب بوله‌دی.»
برچه‌سی بیلن، امریکا تشقی ایشلر وزیرلیگی سۉزلاوچیسی اۉرین باسری ودانت پاتل مذکور توقنشوولر گه مناسبت بیلدیریب، پاکستان و افغانستان حکومت‌لری قیینچیلیک‌لرینی مذاکره آرقه‌لی حل قیلیشلرینی سۉره‌گن.
پاتل جنابلری اسلام امیرلیگی تامانیدن دیورند چېزیغیده پاکستان حربی کوچلری نشانگه آلینیشی و پاکستان نینگ افغانستان گه اۉیوشتیرگن هجوم‌لری عاقبتیده تینچ اهالی نینگ تلفاتیدن خواطر بیلدیرگن.
بیزلرنینگ «ایکس» ترماغی ده هم تعقیب قیلینگ!
عین‌حالده، دوشنبه کونی اسلام امیرلیگی و پاکستان آره‌سیده‌گی توقنشوو دن کیین، اسلام‌آباد ده امریکا ایلچیسی و شونینگدیک امریکا تشقی ایشلر وزیرلیگی سۉزلاوچیسی متیو میلر، عصیانچی گروه‌لر گه قرشی کوره‌ش اوچون پاکستان دن حمایت قیلیشلرینی اېتگنلر.
شو بیلن بیرگه، ایش بیلرمانلر افغانستان برابری ده پاکستان نینگ امنیتی محور سیاست‌لرینی ایکّی مملکت آره‌سیده‌گی کېسکین‌لیک اساسی سبب‌لریدن عنوان قیلیب و پاکستان دن قیینچیلیک‌لر جمله دن تی‌تی‌پی کبی خوفسیزلیک مساله‌لری حلی اوچون سیاستی گه اۉزگریش کېلتیریشنی اېسته‌گنلر.
ایتیش کېره‌ک اسلام امیرلیگی افغانستان توپراغیده پاکستان‌لیک طالبلر تحریکی نینگ هر قنده‌ی حضورینی رد قیله‌دی.
