اوتگن کون یک‌شنبه، ۱۱ جدی، اجتماعی ترماق‌لرده ترقه‌لگن ویدیو گه کوره، تورکیه ده افغان مهاجرلریدن بیرقطاری «یلنغاچ» ساووق ییر گه یاتقیزیلیب و کلتلنه‌دیلر.
تورکیه ده افغان مهاجرلریدن کنشکا نینگ ایتیشیچه، اوشبو مملکتده افغان مهاجرلری، کوپراق روحی و فزیکی زورانلیک بیلن روپه‌ره دیر.
اونگه کوره: «تورکیه ده افغانستان‌لیک مهاجرلر کلتکلنه دی و حتا بعضی پیت‌لر چیگره‌لرده اوققه توتیلیب اولدیریله‌دی، ایش یوق، بولگن حالده هم ایش ایگه‌لری حقوق‌لرینی توللمه‌یدی.»
بیزلرنینگ فیسبوک صحیفه‌میزگه باش اورینگ!
تورکیه ده افغانستان‌لیک مهاجرلردن قطاری، مذکور مملکتده مهاجرلر نینگ احوالی دن خواطر بیلدیریب ایتیشلریچه، بیرلشگن ملت‌لر تشکیلاتی افغان مهاجرلرینی چیقریش جریانینی توخته‌تیشی کیره‌ک.
تورکیه ده افغانستان‌لیک مهاجرلردن باشقه بیری فیصل نظامی نینگ ایتیشیچه: «تورکیه شهرلری ده پولیس کوچلری، افغان مهاجرلرینی قولگه آلماقده و مهاجرلرنی قولگه آلیب تورکیه دن دیپورت قیله‌دی. بیز بیرلشگن ملت‌لر تشکیلاتی دن اوشبو جریان توخته‌تیلیشینی سوره‌یمیز.»
عین‌حالده، مهاجرلر وزیرلیگی، تورکیه ده افغانستان‌لیک مهاجرلر نینگ قیینچیلیکلری حلی اوچون یقینده تورکیه و افغانستان نماینده‌لری ارا ایکی تامانلمه ییغیلیش یولگه قوییلیشیدن خبر بیره‌دی.
مهاجرلر وزیرلیگی نینگ مالی و اداری معینی محمدارسلان خروتی نینگ کوپه‌یتیریشیچه: «تورکیه ده افغانستان‌لیک مهاجرلر نینگ قیینچیلیکلری حلی اوچون یقینده تورکیه و افغانستان نماینده‌لری اورته‌سیده قوشمه ییغیلیش یولگه قوییله‌دی.»
بیزلرنینگ توییترده هم تعقیب قیلینگ!
مذکور وزیرلیک نینگ معلوماتی گه بناً، اوتگن نیچه ییل ده افغانستان نینگ ۷ میلیون دن آرتیق یشاوچیسی منطقه مملکت‌لر گه مهاجر بولگن، ایریم پیت‌لر اوشبو مهاجرلر حیات نینگ دستلبکی امکانیت‌لریدن محروم بولگنلر.
ایتیش کیره‌ک که، ایران بیر میلیون افغانستان‌لیک مهاجر نینگ اقامتینی جدی یکونیگچه اوزه‌یتیرگن.
