هلمند ولایتی سولی و حاصل‌خیز ییرلر گه ایگه بولگنی اوچون ایکینچیلیککه مناسب محیط دیر. مذکور ولایت ایکینچیلیک، سووغاریش و چارواچیلیک ریاست مسئوللری نینگ ایتیش‌لریچه، کیله‌جک نیچه ییل‌گچه اوشبو ولایت نینگ ۵۰۰ جریب زراعتی ییرلریگه خرما باغ‌لری‌نی ایجاد قیلیش اوچون سعی و حرکت قیلماقده‌لر.
هلمند ایکینچیلیک، سووغاریش و چارواچیلیک ریاستی نینگ عمومی رواجلنتیریش مدیری شاه‌محمد نینگ سلام‌وطندار گه ایتیشیچه، بوندن آلدین، اوشبو ولایت نینگ نهرسراج، نادعلی و ناوه تومن‌لریده ۴۱۵ جریب ییرلر‌ده تورلی میوه باغ‌لری قوریلگن دیر.
بیزلرنینگ فیسبوک صحیفه‌میزگه باش اورینگ!
اونینگ کوپه‌یتیریشیچه، هلمندده خرما هم یخشی نتیجه بیرگن و انه شوو سبب، اوشبو میوه نینگ ایکیلیشی اوچون سعی و حرکتلر کوپه‌یگن دیر.
شونده‌ی بیرحالده، هلمند یشاوچیلری و دهقان‌لری خرما باغ‌لری نی ایجاد قیلیش اوچون مذکور ولایت ایکینچیلیک ریاستی نینگ قیلگن ینگی اقدامیدن خورسند‌لیک بیلدیرگنلر.
اولر نینگ ایشانچلری گه کوره، شوکبی باغ‌لر نینگ قوریلیش اهالی اقتصادی وضعیتی گه ایجابی تاثیری بار.
لشکرگاه شهریده خرما ساتووچیلریدن بیری سمیع‌الله نینگ ایتیشیچه، مذکور میوه حاضر ایسه باشقه مملکت‌لردن وارد بوله‌دی.
بیزلرنینگ توییترده هم تعقیب قیلینگ!
اونگه کوره، وارداتی خرما‌لر نینگ کیفیتی یخشی بولمه‌گنی گه علاوه، یوقاری بها بیلن ساتیله‌دی ، اهالی‌دن کوپ قطاری خرما آلیش گه کوچی یوق.
ایتیلیشچه، بوندن آلدین هم اوشبو ولایت‌ده خرما ایکیلیش اوچون سعی و حرکت قیلینگن ایدی و بوندن آلدین ایجاد بولگن خرما باغ‌لریدن قطاری یخشی نتیجه هم بیرگن دیر.
