افغانستانده سونگی نیچه ییل‌ده‌گی قوریق‌چیلیک، مینگلرچه دهقان و چاروادارلر نی یشش اوی و قیشلاق لرینی ترک ایتیش‌گه مجبور قیلگن. غزنی‌ده دهقان‌لردن قطاری منطقه لریده ایکینزارلری اوچون ییترلی سو یوقلیگی باعث، اوشبو ولایت نینگ مرکزی‌گه کیلیب و نیچه ییل‌دن بویان باشقه ایشلرگه قول اورگن‌لر.
سونگی نیچه ییل نینگ قوریق‌چیلیگی باعث، دهقان‌لردن بیری لعل‌محمد، غزنی مرکزی گه باریب و جواری ساته‌دی. اونینگ ایتیشیچه، غزنی نینگ اندر تومنیده نیچه جریب زمینی بار؛ لیکن سونگی کون‌لرده ییترلی سوو یوقلیگی، ایکینچیلیککه دوام بیریش نی قیین قیلگن.
بیزلرنینگ توییترده هم تعقیب قیلینگ!
لعل‌محمد اوشبو ولایت‌ده بو ییل قیش قار و یامغیر یاغگنیدن خوش‌قرشی‌لب و ایتیشیچه، کیله‌جک ییل بهار موسمی‌ده اوز ولایتیگه کیته‌دی و زمین‌لری گه ایکینچیلک قیله‌دی.
شونینگدیک غزنی یشاوچیلریدن باشقه بیری احمد‌علی نینگ ایتیشیچه، سونگی قار و یامغیرلر نینگ یاغگنی بیلن قیشلاغیگه کیتیش نی فکر قیله‌دی. او، قیشلاغی نی ترک قیلیش سببی نی قوریق‌چیلیک دیگن.
احمد‌علی نینگ کوپه‌یتیریشیچه: «اوتمیش‌ده دهقانلیک و ایکینچیلیککه مصروف ایدیم، حاضر غزنی گه کیلگن من و ایکی ییل بوله‌دی که قوریق‌چیلیک یوزیدن بو ییرده بازارده قول اوستیده نرسه ساته‌من. امیدوار مین که ان‌شا‌الله قار و یامغیر یاغیب و قیته اوز ییریم گه بارسم.»
شونده‌ی بیرحالده، غزنی ایکینچیلیک و چارواچیلیک ریاست مسئوللری، شونینگدیک اوشبو ولایت مرکزی و تومن‌لریده سونگی قار یاغیشیدن خوش قرشیله‌یدیلر.
غزنی ایکینچیلیک و چارواچیلیک ریاستی نینگ باغدارلیک عمومی مدیری محمد ذکریا هوتک، بو ییل قار و یامغیر نینگ کوپه‌یگنی، کیله‌جک ییل‌لرده قوریق‌چیلیک و سوو کملیگی نی اورته‌دن کیتگزیشیدن امیدوارلیک بیلدیرگنلر.
اقتصادی بیلرمان‌لردن قطاری نینگ ایشانچلیری گه کوره، مملکت‌ده قوریق‌چیلیک‌لر دوامی، قشاقلیک، ایش‌سیزلیک و مهاجرت‌لر گه سبب بولگن.
بیزلرنینگ فیسبوک صحیفه‌میزگه باش اورینگ!
اقتصادی ایش بیلرمانی تقی هاشمی گه کوره، ایش کوچلری نینگ شهرلردن قیشلاغ‌لرگه مهاجرت قیلیشلری، فاجعه‌لی دیر و جماعه نی مصرفی بیر تامان گه سوق بیره‌دی.
افغانستان زراعتی بیر مملکت دیر که یشاوچیلریدن ۷۰ فایزیدن آرتیغی چارواچیلیککه مشغول‌لر. سونگی ییل‌لرده مملکت نینگ تورلی ولایت‌لریده ییترلی سوو یوقلیگی و قوریق‌چیلیک، ایکینچیلر، دولت و انسانی نهادلر نی خواطرلنتیرگن.
