اسلام امیرلیگی باش وزیری اقتصادی اورین باسرلیگی بیر خبرنامه آرقه‌لی ادعا قیلیشیچه، ایچکی و تشقی سرمایه یاتقیزووچیلر افغانستان ده تورلی‌خیل بولیم‌لر جمله‌دن کان، ایکینچیلیک، ساغلیق، برق، آستقورمه و ترانسپورت خصوصیده ۱۰ میلیارد ۶۵۴ میلیون دالر سرمایه یاتقیزیش گه تیارگرلیکلری نی بیلدیرگنلر.
شونینگدیک صناعت و سوداگرلیک وزیرلیگی مسئوللری نینگ ایتیشلریچه، افغانستان ده سرمایه یاتقیزیش اوچون قیزیقیش کوپه‌یگن و حاضر ایسه، جمهوریت توزومی قوله‌شی‌دن کیین فعالیتی توخته‌گن ایش‌خانه‌لردن کوپینچه‌سی نینگ فعالیتی قیته باشلنگن.
بیزلرنینگ «ایکس» ترماغی ده هم تعقیب قیلینگ!
اوشبو وزیرلیک سوزلاوچیسی عبدالسلام جواد آخندزاده، افغانستان ده سرمایه یاتقیزیلیش زمینه‌لری نینگ کوپراق یره‌تیلیشی اوچون سعی و حرکت‌لریدن ایشانچ بیلدیریب سلام‌وطندار گه ایتیشیچه: «افغانستان ده اوزگریش کیلگنی پیتده، شرکت‌لردن قریب ۳۰ فایزی فعال یدی و حاضر ایسه بیزلر یانیمیزده بولگن رقم‌لر گه کوره، ایشی توخته‌گن ۹۵ ایشخانه و شرکت‌لر، قیته فعالیت گه باشله‌گن.»
عین حالده، افغانستان ایکی ییل‌دن بویان یامان اقتصادی وضعیت‌ده قرار تاپیب و خلق‌ارا یاردم بیرووچی نهاد‌لر آماری اساسیده، افغانستان یشاوچیلریدن کوپینچه‌سی انسان‌پرورلیک یاردم‌لر گه نیازلری بار.
اقتصادی بوییچه ایش بیلرمانی عبدالنصیر رشتیا، افغانستان ده‌گی سیاسی قیین‌چیلیک‌لر بارلیگی نی مملکت‌ده سرمایه یاتقیزیلیش خصوصیده‌گی اصلی قیین‌چیلیک‌لردن عنوان قیلیب و اورغولشیچه، افغانستان ده یخشی امکانیت‌لردن قوللنیلیش و کوپینچه سرمایه یاتیقیزیلیشی نی جلب قیلیش اوچون، حاضرگی سیاسی بحران خصوصیده ییچیم یول تاپیلیشی کیره‌ک.
بیزلرنینگ فیسبوک صحیفه‌میزگه باش اورینگ!
اونینگ کوپه‌یتیریشیچه: «تشقی سرمایه یاتقیزووچیلر افغانستان ده تورلی سکتور‌لرده سرمایه یاتقیزیش گه علاقه‌لری بار و اوزیمیز نینگ سیاسی قیین‌چیلیکلری حل قیله آلسه‌ی بو توغریده قیزیقیشلر نینگ کوپه‌یشی ممکن و بو ایش مملکت‌ده قشاق‌لیک کمه‌یشی گه یاردم بیریشی ممکن.»
افغانستان نینگ کمکی اقتصاد گه تیگیشلی بولگنی، جمهوریت توزومی نینگ قوله‌گنی‌دن کیین، افغانستان نی اقتصادی بحران بیلن روپه‌ره قیلیب و اسلام امیرلیگی اوتگن ایکی ییل‌ده نفت و کان ایشلب چیقریش بولیمیده اونملی بیتیم‌لر نی امضا‌لش بیلن، اونینگ عادی وضعیتی گه قیتیشی اوچون سعی و حرکت قیلماقده.
