کابل ده جاپان ایلچیخانهسی، بوگون (دوشنبه، ۱۳-قوس)، ایکس صحیفهسیده مذکور مملکت دولتی افغانستان گه ۵۸.۴ میلیون دالر یاردم بیریشی نی اعلام قیلگن. کابل ده جاپان ایلچیخانهسی، بو یاردم افغانستان خلقی نینگ اقتصادی قیینچیلیگی حل بولیشی و حیاتلری اوستیگه مثبت تاثیر قیلیشی گه امیدوار دیر.
مذکور ایلچیخانه نینگ یازیشیچه: «خورسندلیک بیلن اعلام قیلهمیز که جاپان دولتی اساسی نیازلر و انسانپرورلیک یاردملر بیریلیشی اوچون، افغانستان گه ۵۸.۴ میلیون دالر یاردم بیریش گه قرار آلگن. بو یاردم افغانستان خلقی نینگ اقتصادی قیینچیلیگی حل بولیشی و حیاتلری اوستیگه مثبت تاثیر قیلیشی گه امیدوارمیز.»
بیزلرنینگ فیسبوک صحیفهمیزگه باش اورینگ!
کابل ده جاپان ایلچیخانه نینگ کوپهیتیریشیچه، مذکور یاردملر نینگ بیرلشگن ملتلر تشکیلاتی ادارهلری، خلقارا تشکیلاتلری و جاپان نینگ نادولتی مؤسسهلری کبی شریکلری آرقهلی بیریلیشی ممکن.
با خرسندی که اعلام می کنیم که دولت جاپان تصمیم گرفته است که ۵۸.۴ میلیون دلار کمک اضافی برای افغانستان به منظور اطمینان از ارائه کمک های بشردوستانه و نیازهای اساسی داشته باشد. ما امیدواریم که این کمک به حفظ و بهبود زندگی با عزت و اتکا به خود مردم افغانستان کمک کند. ۱/۲
— Embassy of Japan in Afghanistan (@JapaninAFG) December 4, 2023
اوشبو ایلچیخانه نینگ بیان قیلیشیچه: «۵۸.۴ میلیون دالر بیلن افغانستان گه جاپان نینگ یاردملری توپلمی، ۲۰۲۱-ییل آگست آییدن حاضرگچه ۴۴۷ میلیون دالر گه ییتیشیشی ممکن.»
بیزلرنینگ «ایکس» ترماغی ده هم تعقیب قیلینگ!
ایتیش کیرهک که، نیچه کون آلدین کابل ده آلمان ایلچیخانهسی، مذکور مملکت افغانستان و افغانستان نینگ قوشنی مملکتلری گه یاردم ییتکزیش اوچون بیرلشگن ملتلر تشکیلاتی نینگ آزیق-آوقت دستوری اختیاری گه ۶۰ میلیون یورو بودجه بیریشی نی اعلام قیلگن ایدی.
مذکور ایلچیخانه پنجشنبه کیچه، ۹-قوس، ایکس صحیفهسیده یازیشیچه، بو مقدار بودجه هرات ده زلزلهدن زیان کورگنلر و پاکستان چیگرهسی آرقهلی قیتهدیگنلر نی قوللب-قوتلهیدی.