آمریکا حربیلری نینگ قوشمه قومندانلیک مرکز باشلیغی جنرال مارک میلی نینگ ایتیشیچه، افغانستان ده آمریکا حربیلری نینگ سانی کمهیگندن کیین، آمریکا مذکور مملکتده ایکی کتته پایگاهی و شونینگدیک نیچه ماهوارهیی پایگاهلرینی سقلهیدی. او آمریکالیک پایگاهلر حقیده معلومات بیرمهگن.
رویترز نینگ گزارشی اساسیده، آمریکا حربیلری نینگ قوشمه قومندانلیک مرکز باشلیغی مارک میلی، واشنگتن ده جایلشگن بروکینگز موسسهسیده، افغانستان ده آمریکا حربیلری نینگ سانی ۲۵۰۰ گه کمهیشی خصوصیده تفصیلات بیردی.
جناب میلی نینگ ایتیشیچه، آمریکا حربیلری افغانستان ده ایکی مأموریت گه دوام بیریشی ممکن. بیرینچی طالبان جنگریلری بیلن اوروشهدیگن افغانستان امنیتی کوچلری گه یاردم بیریش و ایکینچی داعش و القاعده ترماقلریگه گه قرشی عملیات یولگه قوییش دیر.
میلی نینگ اورغولشیچه، آمریکا حربیلری افغانستان امنیتی کوچلریگه تعلیمات بیریش و مصلحت بیریش گه دوام بیریشی ممکن.
رویترز نینگ گزارشی اساسیده، میلی افغانستان برابریده جوبایدن نینگ سیاستی نی پیشبینلیک قیلیش نی ایستمهگن، بیراق کوپهیتیریشیچه: «اوندن کیین یوزبیرهدیگن نیرسهلر، ینگی اداره نینگ بوینیگه دیر.»
بوندهی بیانات ارایه ایتیلگن بیرحالده، آمریکا جمهوررئیسی دانلد ترمپ کیلهجک میلادی آیی نینگ ۱۵- کونی گه قدر افغانستاندهگی حربیلرنینگ سانی نی ۴۵۰۰ دن ۲۵۰۰ کمهیتیریش خصوصیده قرار آلگن.
شونینگدیک پنتاگون ایکی هفته آلدین دونالد ترامپ آرقهلی صادر ایتیلگن بویروغ اساسیده، افغانستان ده آمریکا حربیلری نینگ سانی نی ۴۵۰۰ دن ۲۵۰۰ گه کمهیتیریش ریجهسینی بیللی قیلگن.
آمریکا حربیلری نینگ افغانستان دن چیقیشی، واشنگتن و ناتو نینگ خواطرلری گه روپهرو بولگن، بیراق ناتو باش کاتبی ینس استولتنبرگ نینگ ایتیشیچه، آمریکا حربیلری چیققن صورتده هم، مذکور تشکیلات افغانستان ده قالهدی.
اوتگن هفته واشنگتن پست کوندهلیگی، آمریکا و طالبان گروهی آرهسیده امضالنگن کیلیشوونامه اساسیده، آمریکا حربیلری افغانستان ده ۱۰ پایگاهلرینی باغلهگنی خصوصیده گزارش بیردی.