هندوستان پایتختی ینگی دهلیده، کوپ قووتلی بنا قولب توشدی و اونینگ عاقبتیده کمیده آلتی کیشی هلاک بولگن و ینه اونلب کیشی ویرانهلر آستیده قالیب کیتگن.
خلقارا ییتکرمهلر، بوگون (۱۷ سنبله/۸ ستمبر، سهشنبه) گزارش بیریشیچه، اوشبو بناده یشاوچیلرنینگ اکثریتی طلبهلر ایکن.
هندوستان طبیعی آفتلر گه قرشی کورهشیش تشکیلاتی، پولیس و اطفائیه خادملری آغیر واسطهلردن فایدهلنیب، احتمالی ویرانهلر آستیده قالیب کیتگنلرنی قوتقریش گه باشلهگن.
اطفائیه مسئوللریدن بیری آبیلاش مالکنینگ ایتیشیچه، ویرانهلر آستیده حلی هم ۴۰ نفرگچه آدم قالیب کیتگن بولیشی ممکن. بیراق، امان قالگنلرنینگ انیق رقمی و بوبنانینگ قولش سببی حاضرگچه نامعلوم.
هندوستان ایریم حدودلریده، اینیقسه جون-سپتمبر آییلریدهگی موسمی یاغینگرچیلیکلرده، بنالرنینگ قولب توشیشی نسبتاً کینگ ترقهلگن حادثه دیر.
