لوگر معارف ریاستیده مسئوللرنینگ ایتیشلریچه، اوشبو ولایت مرکزی پلعلم شهری و تومنلریده، ۶۶ مکتب حاضرگچه بناسیز بولیب و اوقووچیلرگه تعلیمی خذمتلر کرایی اویلر و خیمهلرده کورسهتیلماقده.
لوگر معارف ریاستی سوزلاوچیسی شاهپور عربنینگ ایتیشیچه، اوشبو ولایتدهگی فعال ۲۸۹ مکتبدن ۶۶ تهسی بناسیز بولیب و بو مسئله اوقووچیلرنی قیینچیلیک بیلن روپهره قیلگن. اونگه کوره، مکتبلرنینگ بناسیزلیگی اوقووچیلر تعلیمی صفتیگه سلبی تاثیر قوییب و مکتبلر اوچون ستندرد بنالر قوریلیشی کیرهک. لوگر معارف ریاستی سوزلاوچیسینینگ کوپهیتیریشیچه، بناسیز ۵۱ مکتب اوچون لوگر یشاوچیلری آرقهلی ییر ساوغه قیلینیب و قالگن ۱۵ مکتب اوچون ییر تامینلنیشی توغریسیده سعیوحرکتنینگ دوامی بار. «بنا قوریلیشی مقصد مکتبلردن قطاری اوچون ییر تامین بولیب و باشقه بیر قطاریگه ییر تامینلنیشی مقصد سعیوحرکتلرنینگ دوامی بار.»
باشقه بیر تاماندن، لوگر دهگی اوقووچیلر و اوقیتووچیلردن قطارینینگ ایتیشلریچه، مکتبلرنینگ بناسیزلیگی، تعلیم جریانینی تاثیرلنتیرگن. اولرگه کوره، خیمهلر آستیده درس اوقیش، هوانینگ جوده ایسیق کونلری همده بوران و یاغینگرچیلیک بولگنیده، اوقووچیلردن کوپ قطارینینگ مکتب کیلمسلیگیگه سبب بولگن.
لوگر دهگی اوقیتووچیلردن بسماللهنینگ ایتیشیچه: «حاضر ایسه اوقووچیلر کوپینچه قیینچیلیک بولگنی بیلن، آچیق فضاده درس اوقیب، تعلیم کورهدیلر.»
لوگر دهگی اوقووچیلردن احمدفیصل، حکومتدن ستندرد بنالرده اوقیش زمینهسی یرهتیلیشینی سورهگنلر. «مکتبیمیزنینگ بناسی یوق و اوقووچیلر خیمهلرده درس اوقهدیلر؛ بوران، شمال و ایسیق هوا سبب، اوقووچیلردن کوپ قطاری مکتب گه حاضر بولمهیدی.»
مذکور اوقووچیلر و اوقیتووچیلر، معارف وزیرلیگی و یاردم بیرووچی نهادلردن، اوقووچیلری آچیق فضا یا-ده خیمهلر آستیده تعلیم آلهیاتگن مکتبلر اوچون امکان قدر تیزلیککه بنالر قوریلیشینی سورهگنلر.
لوگر معارف ریاستی معلوماتی اساسیده، اوشبو ولایتده ۳۱۰ ته تعلیمی مرکز و ۲۸۹ ته مکتبنینگ فعالیتی بولیب و مذکور مکتبلرده قریب ۱۷۰ مینگ اوغیل و قیز باله، تعلیم کورماقده.
