غزنی ولایتی باشقه قیین‌چیلیک‌لر یانیده، اوقووچیلر اوچون مکتب یوقلیگی و مکتب‌لر نینگ بناسیزلیک قیین‌چیلیگی بیلن هم روپه‌ره دیر.
اوشبو ولایت مرکزی و تومن‌لریده‌گی یشاوچیلر و اوقیتوچیلردن قطاری، مکتب‌لر نینگ بناسیزلیگی‌دن شکایت قیلیب و بو توغریده سرپرست حکومت نینگ برنامه‌سیزلیگی‌دن تنقید قیله‌دیلر.
غزنی ولایتی قره‌باغ تومنیده‌گی اوقیتووچیلردن بیری محمود نینگ ایتیشیچه، اوشبو تومن‌ده بیر مکتب نینگ تمل تاشی ۱۲ ییل آلدین قوییلیب، بیراق حاضرگچه اونینگ ایشی یکونلنمه‌گن.
بیزلرنینگ «ایکس» ترماغی ده هم تعقیب قیلینگ!
اوشبو اوقیتووچی گه کوره، غزنی نینگ بیر قطار تومن‌لریده مکتب‌لردن قطاری بناسیز دیر. «قریب ۱۳-۱۴ ییل بوله‌دی که اوشبو مکتب تمل تاشی قوییلگن، بیراق حاضرگچه بناسی یوق. اوقووچیلر آچیق هواده درس اوقیدی. شونینگدیک باشلنغیچ دوری‌ده هم بناسیز دیر و اورته دوری‌ده هم بیراز بنا بار.»
باشقه بیرتاماندن، غزنی یشاوچیلری نینگ ایتیشلریچه، اوتگن ییل‌لرده‌گی اوروش و ناتینچ‌لیک‌لر، اوقووچیلر نینگ ستندرد صنف‌لردن محروم قالیب و آچیق هوا، درخت‌لر آستی و چادر‌لرده درس اوقیشلری گه سبب بولگن.
غزنی مرکزی یشاوچیلریدن ذکریا نینگ ایتیشیچه: «قیغو بیلن اوتگن ییل‌لر اوروش سبب، مکتب‌لردن کوپینچه‌سی بناسیز دیر. اوقووچیلر ویرانه‌لر یا-ده درخت‌لر آستیده درس اوقیدی. بو بویوک بیر قیین‌چیلیک دیر. قیش موسومی‌ده اولر قتیق ساووق بیلن روپه‌ره بولی بو ایسیق موسوم‌ده هم قویاش آستیده قاله‌دیلر.»
شونینگدیک اوشبو ولایت اندر تومنی یشاوچیلریدن رحمت‌الله نینگ ایتیشیچه: «مکتب‌لردن کوپینچه‌سی بناسیز دیر و آچیق فضاده درس اوقیدیلر و درسلری گه دوام بیره‌دیلر.»
شونده‌ی بیرحالده، تعلیم و تربیه مسئله‌لری بوییچه ایش بیلرمان‌لریدن قطاری نینگ ایتیشلریچه، درست تعلیمی امکانیت‌لر و تعلیم اوچون ستندرد فضا یوقلیگی، درس بیریش و درس اورگه‌نیش خصوصیده سلبی تاثیر قوییب و اوقووچیلر درست شکلده درسلری نی اوقه آلمه‌یدیلر.
بیلیم یورت اوقیتووچیسی و تعلیم مسئله‌لری بوییچه ایش بیلرمان محمد فاروق نینگ سلام‌وطندار گه ایتیشیچه: «بیر اوقووچی چادر، درخت و آچیق هواده درس اوقیسه، اونچه‌لیک درس نی اورگنه آلمه‌یدی. ستندرد بیر ییر بولگنی صورت‌ده، تعلیم آلیش اوچون یخشی بوله‌دی. بو قیین‌چیلیک کوپینچه تومن‌لردن بار.»
عین حالده، غزنی معارف ریاستی مسئوللری، اوشبو ولایت‌ده درسی صنف‌لر یوقلیگی و مکتب‌لر نینگ بناسیزلیگی نی قبول قیلیب ایتیشلریچه، مذکور ولایت‌ده ۶۸۰ مکتب‌دن، ۲۴۹ مکتب بناسیز دیر.
بیزلرنینگ فیسبوک صحیفه‌میزگه باش اورینگ!
غزنی معارف ریاستی نشرات بوییچه مدیری صبغت‌الله احمدی نینگ سلام‌وطندار گه ایتیشیچه: «غزنی ولایتی بویلب، ۶۸۰ مکتبی‌میز بار. اوشبو مکتب‌لر ارا ۲۴۹ ته‌سی بناسیز دیر. اوقووچیلردن کوپینچه‌سی چادرلر آستی و شخصی ییرلردن درس اوقیدیلر. ان‌شاءالله کیله‌سی ییل قیته قوریلیشی و ینگی‌دن قوریلیشی خصوصیده برنامه بار.»
جناب احمدی، معارف وزیرلیگی، همکار نهاد‌لر و خیرلی انسان‌لردن، غزنی مرکزی و تومن‌لریده مکتب‌لر نینگ قیته قوریلیشی خصوصیده اوشبو اداره بیلن همکارلیک قیلیشلری نی ایسته‌گن. «غزنی معارف ریاستی مکتب‌لر نینگ قیته قوریلیشی خصوصیده همکارلیک قیلگن کیشیلر، اهالی و سوداگرلردن منتدار. معارف قوشمه اوییمیز دیر و بو توغریده ینه هم یاردم بیریشلری نی ایسته‌یمیز.»
ایتیش کیره‌ک که، ۱۸ تومن گه ایگه بولگن غزنی ولایتی نینگ تومن‌لریدن کوپ قطاریده اوتگن اوروش‌لر سبب، اهالی گه تعلیمی فرصت‌لر و قیته قوریلیش امکانیتی موجود ایمس ایکن، بیراق حاضر ایسه اوروش نینگ یکون‌لنیشی بیلن، مملکت‌ده مکتب‌لر نینگ قیته قوریلیشی زمینه‌سی یره‌تیلگنی بیرحالده؛ بیراق ینه هم بودجه یوقلیگی اوشبو قیین‌چیلیک دوام قیلگنی اساسی سبب‌لریدن دییلگن.
