غزنی یشاوچیلریدن قطاری، اوشبو ولایت‌ده جنایی واقعه‌لر نینگ کوپه‌گنی خصوصیده شکایت قیلیب و اسلام امیر‌لیگی‌دن امنیت تامین‌لنیشی نی ایسته‌گنلر.
قوراللی اوغریلر آرقه‌لی اوغلی اولدیریلگن بریالی نینگ سلام‌وطندار گه ایتیشیچه، اوغریلر اوغلی نینگ جسدی نی شهر مرکزی‌دن اوزاق بیر ساحه گه تشله‌گن ایکن‌لر.
بریالی نینگ کوپه‌یتیریشچه: «بیللی بیر موضوع دیر. قوراللی اوغریلیک ایدی؛ موتری، پولی و موبایلی نی آلیب کیتگنلر. مین یالغیز اسلام امیرلیگی تامانی‌دن قاتل نینگ قولگه آلینشی نی ایسته‌یمن. قاتل نینگ قولگه آلینیب و خداوند نینگ حکمی تطبیق بولیشی کیره‌ک.»
بریالی نینگ کوپه‌یتیریشیچه، اوغلی نینگ اولدیریلگنی‌دن بیر اوتگنی بیرحالده، امنیتی و قضایی نهادلر، اوغلی نینگ اولدیرگن کیشی‌لر نی قولگه آلیب و جزالنتیریلشی خصوصیده یالغیز ایشانچ بیرلگنلر؛ بیراق حاضرگچه اولر تانیلیب و جزالنمه‌گن.
بیزلرنینگ فیسبوک صحیفه‌میزگه باش اورینگ!
غزنی ده جنایی جرم‌لر اینیقسه قوراللی اوغریلیک و قتل‌لر کوپه‌یشی، امنیتی وضعیت خصوصیده اوشبو ولایت یشاوچیلری نینگ خواطرلری کوپه‌یگن دیر.
غزنی یشاوچیلری نینگ ایتیش‌لریچه، مذکور ولایت‌ده قیمت موتر‌لر ایگه‌لری، کوپراق اوزلری نینگ سلامت‌لیگی و موتر‌لری نینگ اوغیرلنیشی خصوصیده خواطرده‌لر.
غزنی یشاوچیلریدن رستم نینگ ایتیشیچه: «غزنی نینگ مرکزی و تورلی‌خیل بولیم‌لریده قوراللی اوغریلر کوپه‌یگنی خصوصیده شکایت قیله‌میز. قیین‌چیلیک‌لر نینگ حل بولیشی خصوصیده امید‌وار‌میز. اسلام امیر‌لیگی‌دن قوراللی اوغریلیک نینگ آلدی آلینیشی نی ایسته‌یمیز.»
شونده‌ی بیرحالده، غزنی حاکمی سوزلاوچیسی عمر غزنوی نینگ سلام‌وطندار گه ایتیش‌لریچه، اوشبو ولایت‌ده جنایی جرم‌لردن کوپینچه‌سی نینگ عامل‌لری، خوفسیزلیک و کشفی کوچلری آرقه‌لی قولگه آلینگن.
باشقه بیر تامان‌دن، جناب غزنوی امنیت تامین‌لنیشی و مجرم‌لر نی قولگه آلینیشی اوچون، اهالی‌دن خوفسیزلیک کوچلر بیلن همکارلیک قیلیش‌لری نی ایسته‌گن.
بیزلرنینگ توییترده هم تعقیب قیلینگ!
اونینگ ایتیشیچه: «برچه اهالی‌دن شونی ایسته‌مین که، بیزلر بیلن همکارلیک قیلسین‌لر. قیرده بیر مشکوک کیشی نی کورگنلری صورت‌ده، مذکور پیتده خوفسیزلیک کوچلر گه خبر بیرسینلر.»
ایتیش کیره‌ک که، سونگی آی‌لرده مملکت نینگ تورلی ولایت‌لریده جنایی جرم‌لر کوپه‌یگن و هر کون، بیر یا-ده قنچه ولایت‌دن بو توغریده گزارش‌لر بیریله‌دی.
