فاریاب ولایتی جنایی جرم‌لرگه قرشی کوره‌ش اداره‌سی مسئوللری نینگ ایتیشلریچه، اسلامی امارت قدرتگه ایریشگنی نینگ دستلبکی آیلریگه قره‌گنده اوشبو ولایتده جنایی جرملر کوزگه کورینرلی درجه‌ده کمه‌یگن.
بیزلرنینگ فیسبوک صحیفه‌میزگه باش اورینگ!
فاریاب ولایتی جنایی جرم‌لرگه قرشی کوره‌ش اداره‌سی نینگ مدیری محمد اسماعل فرقانی نینگ سلام‌وطندارگه ایتیشیچه، اسلامی امارت قدرتگه ایریشگنی نینگ دستلبکی آیلریده اوشبو ولایتده بی بندوبارلیکلر و جنایی جرملر بار ایدی، بیراق سونگی آیلرده جنایی جرم‌لرنینگ میزانی کمه‌یگن.
جناب فرقانی نینگ کوپه‌یتیریشیچه، قید ایتیلگن رقملر اساسیده، اسلامی امارت قدرتگه ایریشگنی نینگ دستلبکی آیلریده جنایی جرملر و بی بندوبارلیکلر۸۰ فایزدن ۲۵ فایزگه کمه‌یگن دیر.
بیزلرنینگ توییترده هم تعقیب قیلینگ!
فاریاب ولایتی جنایی جرم‌لرگه قرشی کوره‌ش اداره‌سی نینگ مسئوللریگه کوره، اوشبو اداره‌نینگ موفقیت‌لیگی و یوتوقلریگه یشاوچیلرنینگ کتته نقشی بار و یشاوچیلرنینگ اویغونلیگی سبب اوشبو ولایتده جنایی جرملر سانی کمه‌یگن.
عین‌حالده اولرنینگ ایتیشلریچه، فاریاب یشاوچیلری نینگ تینچلیگی اوچون تینمه‌ی سعی و حرکت قیله‌دیلر.
