تخار امنیتی مسئوللری بو ولایتده ۱۳ یاشر بیر قیز دن جنسی فایده‌لنه‌دیگن بیر گروه نینگ قولگه آلینگنیدن خبر بیرگن.
تخار ولایتیدن خوفسیزلیک بیر منبع نینگ سلام‌وطندارگه ایتیشیچه، اوشبو ولایت جنایی جرم‌لرگه قرشی کوره‌ش ایشلاوچی‌لری مذکور ولایت مرکزیدن اوچ کیشی نینگ ۱۳ یاشر بیر قیز دن جنسی فایده‌لنیش گه عیب‌لب قولگه آلگن.
مذکور منبع گه کوره، بو قیز نینگ آتی خالده دیر و اونینگ آته‌سی مخدره ماده گه چلینگن. منبع نینگ کوپه‌یتیریشیچه، خالده ۶ آیدن بویان ایرکک نینگ کییمی نی کییش بیلن مذکور گروه نینگ موسیقه محفل‌لری و کیچه‌لی ییغین‌لریده اوینه‌یدی ایکن.
منبع نینگ معلوماتی اساسیده، خالده بو پیتده تالقان شهریده عیاللر سرپرست‌لیک قیله‌دیگن ایکی عایله نینگ آلدیگه سقلنگن.
منبع نینگ کوپه‌یتیریشیچه، تالقان شهری نینگ دکاندارلریدن (منتو ساتووچیلر) قطاری خالده نینگ گروهی شکلده جنسی زوله‌گن.
منبع گه کوره، خالده دن جنسی فایده‌لنیش دوسیه‌سی قاره‌لاوچیلیک آرقه‌لی نهایی بولگن و پولیس حادثه عامل‌لری نینگ قولگه آلیش اوچون سعی و حرکت قیلماقده.
منبع نینگ ایتیشیچه، خالده نینگ اقارب‌لری حاضرگچه جنایی جرملر آمریتی گه حاضر بولمه‌گن.
شونینگدیک ایکی ییل آلدین تخار مرکزیده بیر قیز حکومت ایشلاوچی‌لریدن قطاری آرقه‌لی جنسی زولنگن ایدی و مذکور کیشیلرنینگ دوسیه‌سی توغریسیده حاضرگچه قاره‌لاوچیلیک هیچ بیر نرسه دیمه‌گن.
