فاریاب ولایتیده یوز بیرگن ترافیکی حادثه نتیجهسیده ایکی کیشی اولیب و باشقه اوچ کیشی ایسه یرهلنگن. مذکور واقعه بوگون (جمعه، ۱۸-حمل)، توشدن آلدین ساعت ۱۰:۰۰ اطرافیده، فاریاب-مزارشریف قتناو یولیده یوز بیرگن.
فاریاب ترافیک ادارهسی نینگ حادثهلر آمری احمدفهیم کوهی گه کوره، مزارشریفدن میمنه شهری تامان حرکت قیلگن «کرولا» تیپلی بیر موتر، فاریاب ولایتی خواجهسبزپوش تومنی نینگ سحرایقلعه قیشلاغی اطرافیده، سرکدن چیقیب و چپه بولگن.
بیزلرنینگ فیسبوک صحیفهمیزگه باش اورینگ!
جناب کوهی نینگ ایتیشیچه، مذکور حادثه نتیجهسیده هیداوچی شامل اوچ کیشی یرهلنیب و بیر ایرکک بیلن بیر عیال هلاک بولگن.
اونینگ کوپهیتیریشیچه، یرهلنگنلردن ایکیتهسی نینگ وضعیتی یامان دیر.
بیزلرنینگ توییترده هم تعقیب قیلینگ!
فاریاب ترافیک ادارهسی نینگ حادثهلر آمری گه کوره، مذکور واقعه هیداوچیسی نینگ تیز هیدهیشی سبب، یوز بیرگن.
ایتیش کیرهک که، مملکتده یوز بیرهدیگن ترافیکی حادثهلردن کوپینچهسی نینگ سببی، هیداوچیلر نینگ تیز هیدهیشی و احتیاطسیزلیگی عنوان قیلینگن.