پایتخت یشاوچیلریدن قطاری شهر‌ده سیس افلاسلیگی کوپهیگنیدن شکایت قیلیب ایتیشلریچه، کون جریانیده سودا ساته‌دیگنلر نینگ لوداسپیکر سیس‌لری اهالی نینگ تینچ‌لیگی نی بوزیب و روحی قیینچیلیکلری گه سبب بولگن.
عین حالده، کابل شهری‌ده‌گی عایله‌لردن قطاری نینگ ایتیشلریچه، شهر ایچیده ایرتنگ‌دن آخشم‌گچه لوداسپیکرلر نینگ سیسی‌دن امان ایمس‌لر و روحی تینچ‌لیکلری کامل شکلده اورته‌دن کیتگن دیر.
کابل نینگ چهاردهی منطقه یشاوچیسی بولمیش آرزو گه کوره، سودا ساتووچیلر نینگ لوداسپیکری سیسی یشاوچیلر نینگ راحت بیر شکلده یاته‌آلمه‌یشلری گه سبب بولگن.
بیزلرنینگ فیسبوک صحیفه‌میزگه باش اورینگ!
اونینگ ایتیشیچه: «اولر کوپ سیس ایجاد قیله‌دیلر. یاتگنی‌میز یا-ده اوی‌ده کسلی‌میز بولگنی پیتده، آیسکریم سیسی کوپ قیینچیلیک ایجاد قیله‌دی. سبزه‌وات، آیسکریم و شونینگدیک موترلرده سودا ساته‌دیگنلر نینگ سیسی ایرتنگ تامان هیچ اویقو گه قویمه‌یدی. بیریسی کیته‌دی باشقه‌سی کیله‌دی.»
باشقه بیر تامان‌دن، کابل شهری یشاوچیلریدن محبوبه نینگ ایتیشیچه، سیس افلاسلیگی، اهالی نینگ روحی گه سلبی تاثیر قوییب و عایله‌لر نینگ تینچ‌لیگی نی اورته‌دن کیتگزگن.
شونینگدیک پایتخت یشاوچیلریدن باشقه بیری زهرا نینگ ایتیشیچه: «سیس ایرتنگ نماز‌دن کیین باشلنه‌دی. درس اوقه‌دیگن کیشی‌لر تینچ بیر فضا‌ده درس اوقیش نی ایسته‌دی. سیس بولگنی پیتده، قچان درس اوقیش بوله‌دی.»
عین حالده، لوداسپیکرلردن قوللنه‌دیگن ایشلاوچیلردن عبدالمنان نینگ ایتیشیچه: «بازار هیچ یوق. ساتیش یوق. بعضا ۵ یا-ده ۶ کون‌ده ۱ مینگ فایده قیله‌میز. لوداسپیکرلر بولمه‌گنی پیتده، یشاوچیلر سودا آلمه‌یدی و تاوان قیله‌میز.»
شونینگدیک سودا ساته‌دیگنلردن باشقه بیری ننگیالی نینگ ایتیشیچه: «لوداسپیکر نی یاقگنی‌میز پیتده، مشتری کیله‌دی. بو بولمه‌گنی صورت‌ده، اهالی نی فکری بولمه‌یدی و لوداسپیکر نی ساتیش اوچون یاقه‌میز.»
شونده‌ی بیرحالده، روان‌شناس‌لردن قطاری نینگ ایتیشلریچه، سیس افلاسلیگی بیر تامان‌دن انسان نینگ فکری نی بوزه‌دی و باشقه تامان‌دن، انسان نینگ روحی خصوصیده قیین‌چیلیک‌لر نی ایجاد قیله‌دی.
روان‌شناس‌لردن روزالدین یوسفی نینگ سلام‌وطندار گه ایتیشیچه: «سیس افلاسلیگی نینگ سلبی تاثیرلری بار. اوقووچیلر و محصل‌لر آرام بیر ییرده درس اوقیش‌لری کیره‌ک که، سیس افلاسلیگی اولر نینگ روحی قیینچیلیکلری و تمرکز قیله آلمه‌یشلری گه سبب بوله‌دی.»
بیزلرنینگ توییترده هم تعقیب قیلینگ!
عین حالده، کابل بلدیه سوزلاوچیسی نعمت‌الله بارکزی نینگ ایتیشیچه، شهر ایچیده ایشلاوچیلری یوریگنی پیتده، سیس افلاسلنیشی نی ایجاد قیلگن‌لر بیلن روپه‌ره بولگن‌لری صورت‌ده، لوداسپیکرلری نینگ توپله‌یدیلر.
جناب بارکزی نینگ کوپه‌یتیریشیچه: «سیس افلاسلیگی نی بلدیه منظم شکلده تیکشیره‌دی. هیچ کیم گه سیس افلاسلیگی نی ایجاد قیلیش خصوصیده رخصت بیریلمه‌یدی. سیس افلاسلیگی گه سبب بولگن کیشی‌لر بیلن هم قانونی یانده‌شیلیشی ممکن.»
ایتیش کیره‌ک که، روان‌شنا‌س‌لر گه کوره، سیس افلاسلیگی انسان‌لر نینگ ایش ظرفیتی نی، فکری و هم ده جسمی نقطه نظر‌دن کمه‌یتیره‌دی و شونینگدیک سیس افلاسلیگی موقعیت‌ده بولگن کیشی نینگ ییشیتیش قدرتی نینگ کمه‌یشی ممکن.
