پایتخت یشاوچیلری سیس افلاسلیگی نینگ کوپه‌یگنیدن شکایت قیلیب و ایتیش‌لریچه، سونگی آیلرده نقلیه واسطه‌لر و قول اوستیده سودا ساتووچیلر سیسی کوپه‌یگن دیر.
پایتخت یشاوچیلری نینگ کوپه‌یتیریش‌لریچه، سیس افلاسلیگی اطراف محیطده‌گی اینگ یامان افلاس‌لیک‌لردن دیر که روحی و جسمانی ضررلری بار.
بیزلرنینگ فیسبوک صحیفه‌میزگه باش اورینگ!
اولر گه کوره، گرچند کابل بلدیه‌سی نیچه مرته سیس افلاسلیگی نینگ کمه‌یشی اوچون اقدام قیلگن، بیراق سیس افلاسلیگی نینگ ایجاد قیلووچیلر کابل بلدیه‌سی نینگ اقدام‌لری گه قرشی توخته‌ب و توجه قیلمه‌یدیلر.
کابل یشاوچیلریدن علی نینگ ایتیشیچه: «کراچی‌لرده‌گی لودسپیکرلر سیسی و موترسایکل‌لر سیس ساغ بیر انسان نی هم کسل قیله‌دی. هم جمهوریت‌ده و هم امارت‌ده لودسپیکرلر نی نیچه مرته توپله‌دیلر، بیراق اولر مشتری تاپیش اوچون لودسپیکردن قوللنیشلری نی ایته‌دیلر.»
شونده‌ی بیرحالده، اطراف محیط‌دن حفاظت قیلووچی ملی اداره‌‌ده تحلیل و تجزیه مسئولی نینگ سلام‌وطندار گه ایتیشیچه، اوشبو اداره سیس افلاسلیگی‌دن توسیق بولیش اوچون، جدی برنامه‌لر نی قولگه آلگن و اوشبو برنامه‌لر نی عملی قیلمه‌گنلر بیلن قانونی یول باریلیشی ممکن.
اونینگ کوپه‌یتیریشیچه، سیس افلاسلیگی نینگ کوپه‌یتیرگن کیشیلر بیرنیچی‌ده نقدی جریمه بولیب و اوندن کیین ایسه مجازات بولیش‌لری ممکن.
باشقه بیر تامان‌دن، روان شناس‌لر نینگ ایتیش‌لریچه، انسان نینگ سیس‌لی بیر محیط‌ده قرار تاپیشی، اونینگ ساغلیگی نی خطر بیلن روپه‌ره قیله‌دی.
بیزلرنینگ توییترده هم تعقیب قیلینگ!
بو توغریده روان‌شناس‌لردن شرف‌الدین عظیمی نینگ ایشانچی گه کوره: «استندرد بولمه‌گن سیس‌لر خوفی‌ده قرار تاپگن کیشیلر، اضطراب تاپه‌دیلر، پریشان بوله‌دیلر، فکرلری درست ایشلمه‌یدی و نتیجه‌ده، قورقه‌دیلر و حتی وسواس بوله‌دیلر.»
دنیا تدقیقاتی اساسیده، سیس افلاسلیگی، ییشیتیش کوچی نینگ کمه‌یشی، قلبی کسل‌لیکلر گه چلینیشی، فشار نینگ یوقاریش کیتیشی و بدن حرارتی نینگ کمه‌یشی گه سبب بوله‌دی.
