کابل یشاوچیلریدن قطاری، انسان‌پرورلیک یاردم‌لر گه قول تاپه آلمه‌یش خصوصیده شکایت قیلیب و اوشبو یاردم‌لر اورنیده ایش زمینه‌سی فراهم بولیشی نی ایسته‌گنلر.
کابل شهری یشاوچیلریدن نثاراحمد نینگ سلام‌وطندار گه ایتیشیچه، ایکی ییل‌دن بیری ایش‌سیزلیک‌دن رنج ایلته‌دی و شونینگدیک انسان‌پرورلیک یاردم‌لر گه هم قول تاپه آلمه‌گن.
بیزلرنینگ توییترده هم تعقیب قیلینگ!
نثار احمد نینگ کوپه‌یتیریشیچه: «۷ کیشی‌لیک بیر عایله نینگ سرپرستی‌مین. ایکی ییل‌دم بیری ایش‌سیز بولدیم و یاردم بیرووچی نهاد‌لردن یاردم‌لر اورنیده ایش زمینه‌سی نینگ فراهم بولیشی نی ایسته‌یمن.»
کابل شهری یشاوچیلریدن باشقه بیری نعمت‌الله، ترقه‌تیله‌دیگن انسان‌پرورلیک یاردم‌لر نینگ عادلانه بیر شکلده صورت تاپمه‌یشیدن شکایت قیلیب و ایتیشیچه، مذکور یاردم‌لر اورنیده، یشاوچیلر گه ایش زمینه‌سی فراهم بولیشی کیره‌ک.
نعمت نینگ سلام‌وطندار گه ایتیشیچه: «کیله‌دیگن انسان‌پرورلیک یاردم‌لر بیرینچی‌ده خارجی نهاد‌لرده ایشله‌یدیگن ایشلاوچیلر و کیین ایسه، اقارب‌لری گه ترقه‌تیله‌دی. یاردم‌لردن آز قسمی قشاق کیشی‌لر گه ترقه‌تیله‌دی. اوشبو یاردم‌لر اورنیده ایش زمینه‌سی فراهم بولیشی یخشی دیر.»
عین حالده، اقتصاد وزیرلیگی نینگ ایتیشیچه، بیرلشگن ملت‌لر تشکیلاتی‌دن یارم بیرووچی پروژه‌لر نینگ تطبیق بولیشی اورنیده، افغانستان ده ایش فراهم بوله‌دیگن پروژه‌لر نینگ یولگه قوییلشی نی ایسته‌گنلر.
اقتصاد وزیرلیگی سوزلاوچیسی عبدالرحمان حبیب نینگ ایتیشیچه: «بیرلشگن ملت‌لر تشکیلاتی آرقه‌لی بشری یاردم‌لر صفتیده‌گی پروژه‌لر، قشاق‌لیک نینگ کمه‌یشی گه تاثیری یوق. اوشبو یاردم‌لر ترقه‌تیلیشی و یشاوچیلر گه ایش زمینه‌سی یره‌تیلیشی اوچون سعی و حرکت قیله‌میز.»
بیزلرنینگ فیسبوک صحیفه‌میزگه باش اورینگ!
شونده‌ی بیرحالده، اوتگ بیر ییریم ییل‌ده، نظیری کوریلمه‌گن درجه‌ده ایش‌سیزلیک رقمی نینگ کوپه‌یشی، افغانستان ده قشاق‌لیک کوپه‌یشی گه سبب بولگن.
گرچند اسلام امیر‌لیگی ایش‌سیز رقمی نینگ دقیق آماری نی ارایه قیلمه‌گن؛ بیراق سیگار یا-ده افغانستان قیته قوریش ایش‌لری بوییچه آمریکا خاص تیکشیرووچی اداره‌سی نینگ آماری اساسیده، میلادی اوتمیش ییل‌ده احتمالاً ۹۰۰ مینگ کیشی نینگ ایش‌سیز بولگنی ممکن.
