اوتگن کون (دوشنبه، ۱۶ عقرب) بیرلشگن ملت‌لر تشکیلاتی نینگ انسان پرورلیک یاردم‌لرینی اویغونلشتیرووچی دفتر (اوچا)، یونیسف، بیرلشگن ملت‌لر تشکیلاتی نینگ مهاجرلر ایشلری بوییچه عالی کمیشنری (UNHCR)، شمال و شمال‌شرق حوزه‌لریده خلق‌ارا آزیق_آوقات دستوری مسئوللری و نماینده‌لری بیلن اوچره‌شگن جوزجان محلی رسمی‌لری نینگ ایتیشلریچه، انسان پرورلیک یاردم‌لر عادلانه روشده توزیع بولمه‌یدی.
اوشبو اوچره‌شووده جوزجان حاکمی محمداسماعیل راسخ نینگ ایتیشیچه: «انسان پرورلیک یاردم‌لر جریانیده عدالت تأمین ایتیلیشی کیره‌ک، بو وضعیت دوامینی هیچ کیم قبول قیلمه‌یدی.»
بیزلرنینگ فیسبوک صحیفه‌میزگه باش اورینگ!
جوزجان حاکمی گه کوره، سونگی ییل‌لرده‌گی قورغاقچیلیک، قشاق‌لیک و انسان پرورلیک یاردم‌لر توزیع قیلینیشی جریانیده عدالت‌سیزلیکلر کوپه‌یشی، اهالینی قیین وضعیت بیلن روپه‌ره قیلگن.
جناب راسخ نینگ کوپه‌یتیریشیچه، سونگی ییل‌لرده افغانستان ده یامغیر اورنیده دالر یاغدی، بیراق قشاق‌لر سانی کمه‌یمه‌دی، حاضرگی کونده بیر «آنه» بیر لقمه نان اورنیده فرزندینی ساتیش گه تیار دیر.
جوزجان حاکمی اوشبو وضعیت دوامینی قبول قیلینمس دیب ایتیشیچه، یاردم‌لر توزیع قیلینیشی جریانیده شفافیت و عدالت رعایت ایتیلیشی کیره‌ک.
شمال و شمال‌شرق حوزه‌لریده یونیسف دفتری نینگ مسئولی کلارا دوبی گه کوره، یونیسف دفتری اسلام امیرلیگی بیلن انسان پرورلیک یاردم‌لر توزیع قیلینیشیده شفافیت تأمین ایتیلیشی اوچون سعی و حرکت قیله‌دی.
بیزلرنینگ توییترده هم تعقیب قیلینگ!
شمال زونیده بیرلشگن ملت‌لر تشکیلاتی نینگ انسان پرورلیک یاردم‌لرینی اویغونلشتیرووچی دفتر آمری نا رتنتو نینگ ایتیشیچه، بوگون انسان پرورلیک یاردم‌لرنی اویغونلشتیریش، اهالی نینگ قیینچیلیکلرینی اورگه‌نیش مقصدیده اوشبو ولایت گه سفر قیلگن.
شمال زونیده اوچا آمری، انسان پرورلیک یاردم‌لر توزیع قیلینیشی جریانیده شفافیت تأمین ایتیلیشی اوستیگه تأکیدلب ایتیشیچه، یاردم‌لر شفاف روشده توزیع قیلینگن حجت‌لرنی قولگه کیریتیش اوچون تلاش قیلماقده‌لر.
