ایران تشقی ایشلر وزیرلیگی سوزلاوچیسی اسماعیل بقائینینگ اعلام قیلیشیچه، اوشبو مملکت رسمیلری بیلن امریکا آرهسیده اوچرهشوو ریجهلشتیریلمهگن.
بقائینینگ بوگون ایرتهلب (۵-ثور/۲۵-اپریل، شنبه)، اکس صحیفهسیده یازیشیچه، ایران هیئتی پاکستان ییریک رسمیلری بیلن اوچرهشوو مقصد، رسمی بیر سفر ده اسلامآباد گه بارگن.
اونگه کوره، ایران و پاکستان رسمیلری اوشبو مملکتنینگ واسطهچیلیک توغریسیدهگی سعیوحرکتلری همده اوروشنی یکونلش و منطقهده تینچلیکنی تیکلش یولیدهگی دیپلماتیک رولی حقیده مذاکره اوتکزیشلری ممکن.
ایران تشقی ایشلر وزیرلیگی سوزلاوچیسینینگ کوپهیتیریشیچه، ایران و امریکا آرهسیده هیچ قندهی اوچرهشوو ریجهلشتیریلمهی و ایران هیئتی اوز فکرلرینی پاکستان آرقهلی واشینگتن گه ییتکزهدی.
شوندهی بیرحالده، خلقارا ییتکرمهلرنینگ گزارشی اساسیده، امریکا هیئتی بوگون اوروشگه چیک قوییش و بیر کیلیشووگه ییتیشیش حقیده ایران رسمیلری بیلن مذاکره قیلیش اوچون، اسلاماباد گه بارهدی.
