جوزجان مرکزی شبرغان شهری سرک‌لریده بیل و کلنگ قوللریده بولگن یاش ییگیت‌لر و کیکسه کیشیلر، اوی‌لری گه بیر لقمه نان تاپیش مقصدیده آدم‌لر تامانیدن ایشگه آلیب باریلیشینی کوته‌دیلر.
نادارلیک و محرومیت سیزیلری درجه ده کوپ بولگن محله‌لر گه باره‌من و برچه کیشیلر بیر لقمه نان تاپیش اوچون اورنه یاتگن‌لریدن حکایت قیلیشه‌دی.
۸ قیز و اوغیل باله نینگ آنه‌سی ۳۳ یاشر خدیجه نینگ ایتیشیچه، انچه کوندن بویان بیر سیر اون ساتیب آلگنی یوق و فرزندلری گه بیر لقمه نان تاپیش اوچون آدم‌لر نینگ اویی گه باریب کِیر کییم‌لرینی یووه‌دی.
خدیجه بار کوچ و توانی بیلن موجود برچه قیینچیلیکلرگه باش ایگمه‌گن بولسه ده؛ لیکن نادارلیک و اقتصادی قیینچیلیکلردن سوز یوریتگنده، اختیارسیز کوزلریدن یاش آقه‌دی.
بیزلرنینگ فیسبوک صحیفه‌میزگه باش اورینگ!
خدیجه نینگ ایتیشیچه: «آوقات اوچون هیچ نرسه‌میز یوق؛ قیش اوچون ییگولیک ماده و کییم_کیچک‌لریمیز یوق. باله‌لر ایشلب کیلسه یخشی بولمسه آچ قالمسلیک اوچون کیچه نان و چای ایچه‌میز.»
او قشاقلیک و اقتصادی قیینچیلیک باعث فرزندلرینی سودا گه سالیب و قیزلری قانونی یاش‌نی تولدیرمسدن تورموش گه چیقرگن عایله‌لردن حکایت قیله‌دی.
بیش فرزند آنه‌سی و عایله‌سی نینگ سرپرستی زرغونه نینگ ایتیشیچه، ایرته‌لب دن آخشم‌گچه، بیر وقت آوقاتینی تاپیش اوچون سعی و حرکت قیله‌دی؛ بیراق کوپی کون‌لر بیر وقت آوقاتینی تاپه آلمه‌یدی، او و فرزندلری آچلیک بیلن کیچه‌نی تانگ‌‌آتتیره‌دیلر.
زرغونه گه کوره: «یاغاچ یوق و گاز ساتیب آلیش توانیمیز هم یوق دیر، تورت_بیش کیچه دن کیین شلغم پیشیره‌میز، شلغم‌نی هم قوی‌لر اوتله‌گن ییرلردن ییغه‌میز، بیراق چوپان‌لر شلغم‌لرنی قوی‌لری اوچون تیریش گه رخصت بیرمه‌یدیلر، برقی‌میز یوق حکومت یاردم بیرسه ییمیز بولمسه هیچ نرسه یوق.»
جوزجان طبیعی آفت‌لرنی باشقریش رئیسی سراج‌الدین سراجی نینگ ایتیشیچه، یشاوچیلر نینگ حاضرگی وضعیتی گه قره‌گنده، اوشبو ولایتده نادارلیک میزانینی کمه‌یتیریش اوچون، هفته ده بیر مراتبه قشاق عایله‌لر گه ییگولیک ماده ترقه ته‌دی.
اونگه کوره: «تشقی مملکت‌لردن افغانستان خلقی گه یاردم بیریش‌لرینی ایسته‌یمیز، آدم‌لر بیکارچیلیک بیلن روپه‌ره دیر، ایش یوق‌لیگی اوچون عایله‌لرینی نفقه‌سینی تأمینله‌ی آلمه‌یدیلر، ایش بولمسه عایله‌لری نینگ نفقه‌سینی قنده‌ی تأمینلشسین‌لر.»
بیزلرنینگ توییترده هم تعقیب قیلینگ!
او دنیا جماعه‌چیلیگیدن، حاضرگی شرایط ده افغانستان خلقینی قوللب_قوتلب و کوپراق یاردم بیریشینی طلب قیله‌دی.
باشقه تاماندن، جوزجان یشاوچیلری مذکور ولایتده انسان پرورلیک یاردم‌لر نا عادلانه ترقه‌تیلیشیدن شکایت قیلیب و اوشبو جریان جدی نظارت ایتیلیشینی سوره‌یدیلر.
