خوست ولایتی حاکمی سوزلاوچیسی مستغفر گربز، پاکستان حربی کوچلری بو ولایت‌نینگ ایریم حدودلرینی هوا آرقه‌لی بمباردمان قیلگنینی معلوم قیلدی.
گربزنینگ ایتیشیچه، پاکستان حربی کوچلری بوگون (۲ میزان/۲۴ سپتمبر، پنج‌شنبه) خوست ولایتی‌نینگ گربز تومنیده «اردوگاه گلان» همده اسماعیل‌خیل و مندوزی تومنی حدودلرینی بمباردمان قیلگن.
اونگه کوره، بو هجوملرده هیچ کیم اولمه‌گن. پاکستان حربی کوچلری اوشبو هفته دوشنبه کونی هم کنر و پکتیکا ولایت‌لری‌نینگ هوا آرقه‌لی بمباردمان قیلگن ایدی و اونینگ نتیجه‌سیده اوچ کیشی «شهید» بولیب و تورت کیشی ایسه یره‌لنگن ایدی.
