باله‌لردن حمایت قیلووچی تشکیلات یا «Save the Children» بیر گزارش ده ایتیشیچه، سونگی بیر ییل ده قیزلر افغانی جامعه دن چیتلنتیریلیب و محتاج‌لیک بیلن روپه‌ره بولگنلر.
اوشبو مؤسسه نینگ گزارشی اساسیده، ۸۸ فایز قیزلر عایله‌لری نینگ مالیه‌وی قیینچیلیگی باعث تورموش قوریش گه مجبور بولیشگن.
اوشبو گزارش نینگ کوپه‌یتیریشیچه، اقتصادی قیینچیلیک، قورغاقچیلیک و اسلامی امارت تامانیدن یره‌تیلگن چیکلاولر باعث ۹۷ فایز عایله‌لر فرزندلری گه یخشی ییگولیک ماده تیارله‌ی آلمه‌یدیلر. شونینگدیک باله‌لردن حمایت قیلووچی مؤسسه نینگ ایتیشیچه، افغانستان‌لیک قیزلر نینگ قشاقلیک و آچلیک باعث درس اوقیش، تفریح و ایش قیلیش اوچون ییترلی انرژی لری یوق دیر.
بیزلرنینگ فیسبوک صحیفه‌میزگه باش اورینگ!
عین‌حالده، باله‌لردن قطاری عایله‌لری نینگ اقتصادی قیینچیلیگیدن خواطر بیلدیریب سلام‌وطندار گه ایتیشلریچه، اولر افغانستان ده سونگی سیاسی اوزگریش دن کیین اقتصادی قیینچیلیک بیلن روپه‌ره بولیشگن. باله‌لر نینگ ایتیشلریچه، ایرته دن آخشمگچه قول ساتووچیلک آرقه‌لی ۵۰ دن ۲۰۰ افغانی ایشله‌یدیلر، بیراق اوشبو درآمدلری عایله‌لری نینگ ضرورتینی حل قیله آلمه‌یدی. باله‌لر اسلامی امارت مسئوللری دن اقتصادی قیینچیلیکلری حلی اوچون دقت قیلیشینی سوره‌یدیلر.
باشقه تاماندن باله‌لر حقوقی فعاللریدن قطاری سلام‌وطندار گه ایتیشلریچه، کونسه‌یین اقتصادی قیینچیلیک باله‌لر اوستیگه باسیم کیلتیرماقده. اولر گه کوره، باله‌لر نینگ اوشبو قیینچیلیگی حلی اوچون دقت قیلینمه‌گن تقدیرده، باله‌لر امیدسیزلیک و افسرده‌لیککه روپه‌ره بولیشی ممکن. باله‌لر حقوقی فعاللری، اسلامی امارت نی باله‌لر نینگ وضعیتی یخشی‌لنیشی اوچون ییترلی برنامه‌سی یوقلیککه عیبله‌یدیلر.
بیزلرنینگ توییترده هم تعقیب قیلینگ!
باله‌لردن حمایت قیلووچی مؤسسه نینگ ایتیشیچه، اولر بیلن صحبت قیلگن قیزلر، مکتب باره آلمسلیکلریدن ناامید و عصبانی ایکن‌لیکلرینی ایتگنلر.
اوشبو گزارش گه دایر اسلامی امارت نینگ فکر_ملاحظه‌سینی اورگه‌نیش اوچون تلاش قیلدیک، لیکن کیتمه_کیت قونغراق‌لر بیلن مؤفق بولمه‌دیک.
