فاریاب ساغلیقنی سلقش مسئوللری و یشاوچیلریدن قطاری نینگ ایتیشلریچه، اوشبو ولایتده کمبغللیک کوپهیشی باعث بالهلر نینگ توییب آوقتلنمسلیک سانی کوپهیگن و کونسهیین توییب آوقتلنمهگنلر سانی آشماقده.
توییب آوقتلنمهگن بالهلرینی فاریاب مرکزی کسلخانهسیده آلیب کیلگن عایلهلردن قطاری نینگ ایتیشلریچه، بالهلر نینگ توییب آوقتلنمسلیککه چلینیش یگانه عاملی کمبغللیک دیر چونکه وقتیده بالهلری گه سوت و آوقت بیره آلمهیدیلر.
بیزلرنینگ فیسبوک صحیفهمیزگه باش اورینگ!
بیمار فرزندینی کسلخانه گه آلیب کیلگن ماه بیبی نینگ ایتیشیچه، باشقهلر نینگ اویلری ایشینی قیلهدی و فرزندلری اوچون ییترلی ییگولیک ماده یوق، شونی اوچون فرزندی توییب آوقتلنمسلیککه روپهره بولگن.
اونگه کوره، قشاقلیک و ییگولیک ماده یوقلیگی باعث، فرزندی توغیلگنیدن ۱۰ کوندن کیین، ایش گه کیلگن و معین وقتده بالهسی گه قره آلمهگن.
اقتصادی قیینچیلیککه دوچ بولگن مذکور عایلهلر، اسلامی امارت مسئوللری دن اولر گه یاردم بیریشلرینی طلب قیلیشهدی.
فاریاب ساغلیقنی سقلش مسئوللری، توییب آوقتلنمسلیک بیمارلر سانی کوپهیشینی تصدیقلب ایتیشلریچه، بازار اینیقسه مملکت بویلب نرخ_نوالر آشیشی قشاق عایلهلر اوستیگه سلبی تاثیر قیلیب و فرزندلری توییب آوقتلنه آلمهیدیلر.
فاریاب مرکزی کسلخانهسی بالهلر بولیمی مسئولی فواد معصومی گه کوره، اوتگن ایکی آی ده توییب آوقتلنمسلیککه چلینگن قریب ۸۰ بیمار، فاریاب مرکزی کسلخانهسیده یاتقیزیلگن که اوتمیش ییللر گه نسبتن کوپهیشنی کورستهدی.
جناب معصومی، توییب آوقتلنمسلیککه چلینگن بیمارلر کوپهیش عاملینی قشاقلیک عنوان قیلیب ایتیشیچه، کمبغل عایلهلر فرزندلری گه مناسب ییگولیک ماده تیارلهی آلمهیدیلر، شونی اوچون فاریاب ولایتی بویلب تویب آوقتلنمسلیک بیمارلر سانی کوپهیگن.
بیزلرنینگ توییترده هم تعقیب قیلینگ!
فواد معصومی نینگ کوپهیتیریشیچه، فاریاب مرکزی کسلخانهسیده توییب آوقتلنمسلیک بیمارلرنی دارو_دوالش اوچون امکانیت آز دیر که توییب آوقتلنمهگن بیمارلر گه ۱۶ بستر موجود، بیراق باشقه اونلرچه بیمار، بسترلردن بیری خالی بولگن تقدیرده بیمارلرینی بستر قیلیشنی کوتهدی.
فاریاب مرکزی کسلخانهسی بالهلر بولیمی مسئولی نینگ ایتیشیچه، مذکور کسلخانهده توییب آوقتلنمهگن بیمارلر وفیاتی ۱۰ فایز دیر.