فاریاب ده‌گی محلی منبع‌لر نینگ ایتیشلریچه، اوشبو ولایت نینگ خواجه‌سبزپوش تومنیده ماین پارتلشی عاقبتیده اوچ کیشی هلاک بولیب و باشقه اوچ کیشی یره‌لنگن.
منبع‌لر گه کوره، مذکور حادثه یک‌شنبه کونی، ۱۱ سرطان، توش چاغی ده خواجه‌سبزپوش تومنی «شباختو» منطقه‌سیده باله‌لر بیر حولی ده اوینش پیتیده یوز بیرگن.
بیزلرنینگ فیسبوک صحیفه‌میزگه باش اورینگ!
حادثه قربانی‌لریدن بیری نینگ قرینداشی محمدیوسف گه کوره، اوشبو واقعه ده ۱۷ یاشر بیر قیز و ۷-۱۰ یاشر ایکی باله قربان بولیب و ۷-۸ و ۱۰ یاشر اوچ باله یره‌لنگنلر.
او نینگ ایتیشیچه، ماین حولی ده سابق دن بولیب و اولر نینگ خبری بولمه‌گن.
منبع‌لر نینگ کوپه‌یتیریشیچه، واقعه طفیلی یره‌لنگنلر نینگ ساغلیک احوالی آغیر دیر و دوالنیش اوچون بلخ ولایتی کسلخانه‌سیگه انتقال بیریلگنلر.
بیزلرنینگ توییترده هم تعقیب قیلینگ!
اوتگن اوروش‌لردن قالگن ماین‌لر پارتلشی، هر ییلی یوزلب یشاوچی نینگ اولیب و یره‌لنیشیگه سبب بوله‌دی.
افغانستان، ییرلشتیریلگن ماین‌لر و اوروش‌لردن قالگن پارتلاوچی یراغ‌لر بارلیگی اوچون، افلاس‌‌لنگن مملکت‌لردن سنله‌دی.
