پروان ایکینچلیک، سووغاریش و چارواچیلیک ریاستی مسئوللرینینگ ایتیشیچه، جاری ییلده اوشبو ولایتده اوزوم ییتیشتیریش اوتگن ییلگه نسبتاً بیش فایزگه آشیب و ۶۳ مینگ ۷۵۰ متریک تُن گه ییتگن.
پروان ایکینچلیک، سووغاریش و چارواچیلیک ریاستی رئیسی خانمحمد حقمل، بوگون (۱۵ سنبله/۶ سپتمبر، یکشنبه) ایتیشیچه، بو ولایتده آلتی مینگ ۳۷۵ هکتار ییرده اوزوم تاکلری ایکیلگن و اوشبو اوزوم تاکلریدن قریب ۶۳ مینگ ۷۵۰ متریک تُن اوزوم ییغیب آلینیشی کوتیلماقده.
شو بیلن بیرگه، پرواندهگی ایریم باغدارلر اوزوم حاصلینینگ کوپهیگنیدن خورسند ایکینینی بیلدیرگن. بیراق اولر ترتیبلی سودا بازارلری و محصولاتلرینی کوچیریش همده سقلش اوچون مناسب جای یوقلیگی سببلی، اوزوملرینینگ بیر قسمی چیقیندی گه چیقیب یا کی ارزان نرخده ساتیش گه مجبور بولیشلرینی ایتهدیلر.