فواید عامه وزیرلیگی، تخار ولایتی ماورای کوکچه اینیقسه خواجه بهاءالدین-ینگیقلعه تومنلری آرهلیغیدهگی یولنینگ قوریلیش ایشلری برچه بولیملرده منتظم روشده دوام ایتیریلماقدهلیگینی بیلدیردی.
اوشبو وزیرلیک سوزلاوچیسی محمداشرف حقشناس، ۱۴ سنبله/۵ سپتمبر، شنبه، ایکس اجتماعی ترماغیده بیر بیانیه ترقهتیب بو حقده خبر بیردی.
بیانیه گه کوره، مذکور یول ۲۸.۶ کیلومتر بولیب، ۹۰۱ میلیون ۶۰۳ مینگ افغانیدن آرتیق مبلغ عوضی گه، فواید عامه وزیرلیگی و خصوصی سکتور اورتهسیده امضالنگن شرطنامه اساسیده عملگه آشیریلماقده.
فواید عامه وزیرلیگی بیانیهسیده بو یول، خواجه بهاءالدین تومنیدن باشلنگن و ینگیقلعه اولسوالیگچه دوام تاپیشی معلوم قیلینگن. مذکور یول تخار ولایتینینگ مهم قتناو یونهلیشلریدن بولیب و ماورای کوکچه تومنلرینی باغلهیدی.
تخار ولایتی ماورای کوکچه تومنلری اهالیسی، عمومی قتناو یوللری بوزوقلیگی سببلی ایریم قیینچیلیکلر بیلن دوچ ایکنلریدن شکایت قیلگن بیرحالده، خواجه بهاءالدین-ینگیقلعه قتناو یولی قوریلهیاتگنی ایتیلگن.