میلادی ۲۰۲۶-ییلگی بوتون جهان کوچمنچیلر تورنمنتی کوکپر فینالیده، قرغیزستان اولاق/اوغلاق ملی تیرمه جماعهسی قزاقستان گه غلبه قازانیب و بو تورنمنت قهرمانی بولدی.
اوشبو مسابقه بوگون (۱۵ سنبله/۶ سپتمبر، یکشنبه) قرغیزستاننینگ «ایسیق کول» تاغلی حدودیده اوتکزیلدی و نهایت قرغیزستان ۷-۲ حسابیده قزاقستان گه غلبه قازاندی.
بوتون جهان کوچمنچیلر اویینلرینینگ آلتینچی باسقیچی دنیا بویلب ۱۰۰ دن آرتیق مملکتدن تورلی ساحهده سپورتچیلرنینگ اشتراکی بیلن قرغیزستانده اوتکزیلماقده.
بوتون جهان کوچمنچیلر اویینلری، ایلک بار میلادی ۲۰۱۴-ییلده تشکیل ایتیلگن بولیب، او سپورت مسابقهلری بیلن بیرقطارده، کوچمنچی خلقلرنینگ مدنیتی و عنعنهلرینی نمایش ایتیشنی اوزیده مجسم ایتگن. اوشبو اویینلرنینگ نوبتدهگی کیینگی باسقیچی، میلادی ۲۰۲۸-ییلده روسیهنینگ کازان شهریده اوتکزیلیشی ریجهلشتیریلگن.
