فاریاب ولایتیده «بیلیم یورتی خصوصی مکتبی» تامانیدن، بوگون (۲ عقرب/۲۴ اکتبر، شنبه) اوزبیک تیلی ملی کونیدن طنطنه‌لی تدبیر اوتکزیلیب نشانلندی.
تدبیر، اوزبیک تیلی‌نینگ رواجلنیشی مقصدی بیلن، صمیمی و معنوی محیط‌ده مکتب رهبریتی، استادلر، مهمانلر و اوقووچیلرنینگ اشتراکی بیلن اوتکزیلدی.
تدبیر، اوزبیک تیلی گه بولگن حرمت و محبت‌نی ینه‌ده مستحکملش، آنه تیلی‌میزنینگ غنی ادبی میراثی، ملی قدریت‌لریمیز و معنوی ثروتی‌میزنی اسره‌ش همده کیله‌سی اولادلر گه ییتکزیش مقصدی بیلن اوتکزیلدی.
اوشبو مناسبت بیلن اوتکزیلگن تدبیرده، اوقووچیلر تامانیدن اوزبیک تیلی و ادبیاتی گه بغیشلنگن ترانه‌لر، شعرلر اوقیلدی.
شونینگدیک تدبیرده، اوزبیک خلقی گه عاید تورلی خیل طعاملر، بویوملر نمایش گه قوییلگن ایدی.
