هرات‌ده تورکیه قنسولگرلیگی، اوشبو ولایت یشاوچیلری اوچون ویزه بیریش جریانینی رسمی شکلده باشله‌گن.
قنسولگرلیک مسئوللری، تورکیه جمهوریتی تشکیل ایتیلگنینی‌نینگ ۱۰۳ ییللیگی مناسبتی بیلن اوتکزیلگن طنطنه‌لی مراسمده، قنسوللیک خذمت‌لری بولیمی فعال بولیشی بیلن، افغانستان یشاوچیلری هرات‌ده ویزه خذمت‌لریدن فایده‌لنیشی ممکن دیگن.
معلومات‌لر گه کوره، هرات‌ده تورکیه قنسولگرلیگی تخمیناً ۱۰ آی آلدین فعالیت گه باشله‌گن ایدی و ایندیلیکده اونینگ قنسوللیک خذمت‌لری رسمی شکلده فعال بولگن.
شو بیلن بیرگه، هرات‌ده تورکیه باش قنسولی تزجان قاضی اوغلو، افغانستان و تورکیه اورته‌سیده اقتصادی و سرمایه کیریتیش همکارلیک‌لرنی کینگه‌یتیریش گه تأکیدلب و افغانستان‌لیک سوداگرلرنینگ تورکیه گه باریشینی آسانلشتیریش و تورکیه سرمایه کیریتووچیلرینی جلب قیلیش اوچون سعی-حرکتلر بوله‌یاتگنیدن خبر بیرگن.
