عربی بیرلشمه امارات ویزهسی نینگ ایستهگنلردن قطاری ویزهلری نینگ صادر بولمهگنی باعث، بوگون کابلده اعتراض قیلگنلر. اعتراضچیلردن قطاری سوداگرلر دیر، اولرنینگ ایتیشلریچه، اسلامی امارت قدرت گه ایریشمهگنیدن آلدین افغانستان گه کیلگن ایکنلر؛ بیراق ۸ آیدن بیری عربی بیرلشمه اماراتی گه کیتهآلمگنلر.
اعتراضچیلردن قطاری نینگ کوپهیتیریشلریچه، بیر آی آلدین درخواستلری نی بیر مکتوب آرقلی کابلده عربی بیرلشمه امارات ایلچیلیگی گه یوبارگن ایکنلر؛ بیراق حاضرگچه هیچ بیر جواب قولگه کیلتیرمهگنلر. مذکور معترضلر نمایندهسی مومنیار رحمانی نینگ سلاموطندارگه ایتیشیچه، عربی بیرلشمه اماراتیده سوداگرلر عایلهلری نینگ ایش و سوداگرلیکلری نابیللی تقدیرده قرار تاپگن.
معترضلر نینگ اورغولشیچه، ۸ آیدن بیری اولر عربی بیرلشمه اماراتیده ایشلاوچیلری و ایشلریدن هیچ بیر خبرلری یوق و مذکور مملکتدن قیینچیلیگلری نی حل بولیشی نی سورهیدیلر.
شوندهی بیرحالده، افغانستان سوداگرلیک و سرمایهیاتقیزووچی اتاقی مسئوللری عربی بیرلشمه امارات ویزهسی نینگ صادر بولمهیش دلیلی نی سیاسی دیگنلر. افغانستان سوداگرلیک و سرمایه یاتقیزووچی اتاقی نینگ خلقارا رابطهلر آمری امید غفورزی نینگ ایتیشیچه، مذکور نهاد مسئوللری نیچه مرته اوشبو مملکت ایلچیلیگیدن سوداگرلرنینگ قیینچیلیگی حل بولیشی نی سورهگن.
اونگه کوره، عربی بیرلشمه امارات ایلچیلیگی اوشبو قیینچیلیک حل بولیشی خصوصیده افغانستان سوداگرلیک و سرمایه یاتقیزووچی اتاقی نینگ درخواستی جوابی گه نیچه مرته سوز بیرگن؛ لیکن حاضرگچه اونینگ حل بولیشیدن هیچ بیر خبر یوق.
مذکور مملکت ویزهسی نینگ یاپیق بولگنی خصوصیده، کابلده عربی بیرلشمه امارت ایلچیلیگی مسئوللری، افغانستان تشقی ایشلر وزیرلیگی و اسلامی امارت سوزلاوچیسی نینگ فکری نی آلیش ایستهدیک؛ بیراق کیینمه کیین قونقیراغ بیلن موفق بولمهدیک.
ایتیش کیرهک که، سونگی ایکی دههده افغانستانده ۴۶ تورلی مملکتلر نینگ ایلچیلیگی و مملکت تشقیسیده ۷۱ ایلچیلیک و قنسولگری فعالیت قیلهر ایدی. لیکن افغانستاندن تشقی کوچلر نینگ چیقاریش پروسهسی باشلنگنی و اسلامی امارت نینگ قدرت گه ایریشگنی بیلن، ایلچیخانهلردن کوپینچهسی نینگ دیپلماتیک فعالیتلری توختهب و افغانستانده تورلی مملکتلر ویزهسی نینگ ایستگنلردن قطاری قیینچیلیک بیلن روپهرو بولگن.