کابل یشاوچیلریدن قطاری، پاکستان ویزه‌سینی آلیش اوچون قریب اوچ آی آلدین اوشبو مملکت ایلچی‌خانه‌سی گه مراجعت قیلگن ایدیلر؛ بیراق اوشبو ایلچیخانه اولر نینگ طلبی‌گه حاضرگچه جواب قیتیرمه‌گن.
اولر پاکستان نینگ کابل ده‌گی ایلچیلیگینی افغانستان یشاوچیلری‌نی گروگه آلیش‌گه عیبلب ایتیشلریچه، نیاز بولگن پول‌نی توللشگن و رابطه وتانیش‌لری یوق‌لیگی باعث ایلچیخانه اولر نینگ طلب‌لری گه جواب قیتیرمه‌یدی.
بیزلرنینگ فیسبوک صحیفه‌میزگه باش اورینگ!
کابل یشاوچیلریدن بیری حبیب نینگ ایتیشیچه: «ویزه اوچون اپلای قیلگنیمدن تخمیناً تورت آی اوتدی. حاضرگچه کوته‌من نه ویزه بیریشه‌دی و نه رد قیلیشه‌دی. مردم‌نی گروگه آلیشگن، پول آلیشه‌دی بیراق ویزه بیریشمه‌یدی. مردم نینگ کسلی و مینگلب مشکلی بار.»
عین‌حالده، کابل ده‌گی سیاحتی شرکت لردن قطاری، پاکستان ویزه‌سینی آله دیگن‌لر سابق دن ثبت نام قیلیشگن، اوچ آی دن بویان مذکور مملکت ایلچیلیگی تامنیدن هیچ جواب قیتیریلمه‌گنینی تصدیقله‌یدیلر.
اوشبو شرکت‌لر ایگه‌لری نینگ ایتیشلریچه، بازارلرده پاکستان ویزهسی نرخی مثل سیز درجه‌ده آشگن. اولر گه کوره، ساغلیک ویزه ۶۰۰ دالر، سوداگرلیک ویزه ۳۵۰ دالر و عایله‌وی ویزه ۴۵۰ دالر ساتیله‌دی. عین‌حالده پاکستان ویزهسی نرخی بوندن آلدین ۸ دالر ایدی.
بیزلرنینگ توییترده هم تعقیب قیلینگ!
بیراق اسلامی امارت سوزلاوچیسی نینگ اورین باسرلریدن بلال کریمی گه کوره، حاضرگچه بو توغریده‌گی قیینچیلیک حقیده رسمی گزارش بیریلمه‌گن.
شونینگدیک کابل‌ده پاکستان ایلچیخانه مسئوللری نینگ بوتوغریده فکرلری نی آلیش ایسته‌دیک، بیراق ایکی کون‌دن بیری کیین‌مه‌کیین قونغیراغ و پیام‌لریمیز گه جواب قیترمه‌دیلر.
ایتیش کیره‌ک که اسلامی امارت حاکمیت گه ایریشیشی بیلن، کابل ده‌گی بیرقطار ایلچیخانه‌لر یاپیلگن. مذکور ایلچیخانه‌لر یاپیلیشی بیلن، قوشنی اولکه‌لر نینگ ویزه طلبگارلری هم کوپه‌لگن.
