سابق حکومت سقوط قیلیب و افغانستانده اسلامی امارت حاکم بولگنیدن سونگ، مملکت یشاوچیلریدن کوپینچهسی باشقه مملکتلرگه مهاجر بولیش اوچون سعی و حرکت قیلماقدهلر، بیراق قطار مشمشلرگه کوره، کمیشن کارلر ویزه و تکت تیارلش اوچون اهالیدن کوپینچه پول قولگه کیلتیرهدیلر.
بیزلرنینگ فیسبوک صحیفهمیزگه باش اورینگ!
یشاوچیلر ویزه و تکت اوچون کوپینچه پول توللش بیلن ییر و هوا یولی آرقهلی ایران و پاکستان مملکتلریگه باریش اوچون سعی و حرکت قیلهدیلر، لیکن اولرنینگ ایتیشلریچه، کمیشن کارلر اهالی نینگ مجبوریتیدن فایدهلنیب و ویزه و تکت تیارلش اوچون کوپینچه پول طلب قیلهدیلر.
ایران ویزهسی قولگه کیلتیریش اوچون اوشبو مملکت نینگ کابلدهگی ایلچیخانهسیگه مراجعت قیلگن کیشیلردن بیری نینگ ایتیشیچه، کمیشن کارلر اوندن کوپ پول ایستهگنی سبب، بو ییردن ویزه آلیشگه موفق بولمهگن و انهشوو باعث، قندهار ولایتیگه مراجعت قیلگن. « بو ییرده هرکیم قصاب دیر، اهالی نی حلال قیلهدیلر، بوتون پوللرینی آلهدیلر. هوایی ویزه ۴۰۰ یا-ده ۵۰۰ دالر و زمینی ویزه ایسه ۳۰۰ دالر بولهدی.»
عینحالده، کابل شهریده سیاحتی شرکتلردن بیری نینگ مسوولی ظهیرالدین نینگ کمیشن کارلردن تنقید قیلیب ایتیشیچه، اولر سیاحتی شرکتلرنینگ ایشلریگه زیان ییتیشتیرگن و ویزه ایستهگنلردن کوپینچه پول آلیب و اولرگه تکت و ویزه تیارلهیدیلر. اونینگ کوپهیتیریشیچه، کمیشن کارلر هر بیر ویزه نی ۵۰ مینگ افغانی دن باشلب ۶۰ مینگ گچه تیارلهیدی.
ظهیرالدین اسلامی امارت مسئوللریدن یشاوچیلر و سیاحتی شرکتلرگه قولاییلیک یرهتیش اوچون ناقانونی فعالیتلرگه توسیق بولیشینی سورهیدی.
کمیشن کارلردن بیری نینگ کیملیگی سیرقالیشنی ایسته سلاموطندارگه ایتیشیچه، کم زمانده و تیز ویزه چیقاریش اوچون کوپ پول آلیشگه مجبور دیرلر.
بیزلرنینگ فیسبوک صحیفهمیزگه باش اورینگ!
افغانستانده اسلامی امارت حاکمی بولگنی و مهاجرلیککه قول اورگنلر رقمی یوقاری کیتیشیدن سونگ، ویزه و تکت بهاسی سابقلرگه قرهگنده ایکی برابر یوقاری کیتگن و یشاوچیلردن کوپقطار بو وضعیتدن خواطر بیلدیرماقدهلر.