مملکت‌ده یوز بیرگن سونگی واقعه‌دن سونگ، دولت ایشلاوچی‌لری شامل بغلان یشلاوچی‌لریدن کوپ‌قطاری ناقانونی مهاجرلیک آرقه‌لی مملکت‌نی ترک قیلیش‌گه اقدام قیلگنلر.
بیزلرنینگ فیسبوک صحیفه‌میزگه باش اورینگ!
بغلانده خصوصی بیلیم یورت‌لردن بیری نینگ اوقیتووچیسی خال‌محمد نینگ ایتیشیچه، مملکت طالبان قولیگه سقوط قیلگنیدن سونگ، مملکت‌نی ترک قیلیش‌گه اقدام قیلگن و حاضرده عایله اعضالری بیلن نیمروز ولایتیده ایران چیگره‌سی نینگ آچیلیشی‌نی کوتیب تورگن.
اونینگ ایتیشیچه، ایران چیگره‌سی نینگ آچیلیشی‌نی کوتیب تورگن مهاجرلر یمان وضعیتده حیات کیچیره‌دیلر و اولردن کوپراغی سابق حکومت ایشلاوچی‌سی دیر.
خال‌محمد نینگ ایتیشیچه، طالبان اعضالری و ایران حربی‌لری مهاجرلر بیلن یمان شکلده برخورد قیله‌دی و بیرقطار عایله‌لرنی اوی‌لریگه قیتیش‌گه مجبور قیلگنلر.
پلخمری شهریده‌گی مکتب‌لردن بیری نینگ اوقیتووچیسی حکمت‌الله نینگ ایتیشیچه، اوی نینگ بوتون وسایلی‌نی ساتیب و نامنظم مهاجرلیککه اقدام قیلگن، لیکن کابل گه ییتیشگنیدن سونگ، چیگره‌لرنینگ یاپیق بولگنیدن آگاه بولیب و قیته‌دن پلخمری شهریگه بارگن.
حکمت‌الله نینگ ایتیشیچه، قاچاقچی‌لر اهالی‌دن کوپلب پول آله‌دی و قیین‌چیلیک بیلن دوچ کیلگن صورتده، مهاجرلرنی اوز وضعیتی‌گه قوییب کیته‌دیلر.
پلخمری یشاوچی‌لریدن باشقه بیری احمدجاوید نینگ ایتیشیچه، اوشبو ولایت یشاوچیلری قاچاق یولی آرقه‌لی مملکت‌نی ترک قیلیش‌گه اقدام قیلگنلر.
بیزلرنینگ فیسبوک صحیفه‌میزگه باش اورینگ!
جاوید نینگ کوپه‌یتیریشیچه، ایش‌سیزلیک و جانی مصونیت یوق‌لیگی سبب، بغلان یشاوچیلری ناقانونی مهاجرلیککه اقدام قیلیشگن.
