مملکت‌ده ایش فرصتلری یوقلیگی و ایش‌سیزلیک سبب، تحصیل قیلگن ییگیت‌لردن قطاری، ایش تاپیش و عایله خره‌جتی نی تامین‌لش اوچون باشقه مملکت‌لر گه مهاجر بولیش گه مجبور بولگنلر.
شونده‌ی بیرحالده، طبیات بولیمی نی بیتیرگن بلخ یشاوچیسی سید‌انور نینگ سلام‌وطندار گه ایتیشیچه، ایش تاپیش خصوصیده ایکی ییل سعی و حرکت قیلگنی بیلن، بیراق ایش تاپه آلمه‌ی و قانونی‌سیز یول‌لردن ایشچیلیک اوچون ایران کیتیش گه مجبور بولگن.
سید‌انور نینگ کوپه‌یتیریشیچه: «ایش یوق. مکتب و بیلیم یورت نی هم بیتیردیم، بیراق حاضرگچه ایش تاپه آلمه‌دیم و ایش هم بیرمه‌یدیلر.»
بیزلرنینگ فیسبوک صحیفه‌میزگه باش اورینگ!
عین حالده، کابل شهری‌ده قندهار یولاوچی تاشووچی موترلر ایستگاه‌سی گه باریب نیمروز گه سفر قیلیش نی کوتیب تورگن جوزجان یشاوچیسی سید‌علی نینگ ایتیشیچه، ایش‌سیزلیک سبب، ایران کیتیش گه قرار آلگن.
اونینگ کوپه‌یتیریشیچه: «ایش یوق، افغانستان نی ترک قیلیب و باشقه مملکت‌لر گه کیتیش گه مجبورمیز. بوندن آلدین هم کیتگن ایدیم، بیراق ایران‌دن قیته یوباریلگن ایدیم.»
شونینگدیک، ایشچیلیک اوچون باشقه مملکت‌لر گه کیتیش نی ایستمه‌گن کابل یشاوچیسی بولمیش ویس نینگ ایتیشیچه، ایش یوقلیگی اوچون باشقه مملکت‌لر گه کیتیش گه مجبور قالگن دیر.
او، اسلام امیر‌لیگی‌دن افغانستان ده‌گی ییگیتلر گه ایش زمینه‌سی یره‌تیلشی نی ایسته‌یدی.
ویس نینگ کوپه‌یتیریشیچه: «حکومت‌دن ییگیتلر گه ایش زمینه‌سی یره‌تیلیشی نی ایسته‌یمیز که، بو رقم باشقه مملکت‌لر گه کیتمه‌ی و اولیم و قولگه آلینیش کبی یوز رقم خوف بیلن روپه‌‌ره بولمه‌یلیک.»
بیراق اقتصاد وزیرلیگی سوزلاوچیسی عبدالرحمان حبیب نینگ ایتیشیچه، حاضرگی حکومت نینگ برچه وزیرلیک‌لریده ایش زمینه‌سی یره‌تیلیشی بیرینچی اورین‌ده قرار تاپگن و نیازمند کیشی‌لر گه ایش زمینه‌سی یره‌تیلیشی اوچون سعی و حرکت نینگ دوامی بار.
بیزلرنینگ توییترده هم تعقیب قیلینگ!
جناب حبیب نینگ کوپه‌یتیریشیچه: «اسلام امیر‌لیگی نینگ برچه وزیرلیگی‌ده اینگ اونملی نرسه ایش زمینه‌سی یره‌تیلیشی دیر که، برچه نیازمند کیشی گه ایش زمینه‌سی یره‌تیلسین.»
ایتیش کیره‌‌ک که، ییگیت‌لردن قطاری شونچه قیین‌چیلیک بیلن باشقه مملکت‌لر گه کیتیش اوچون سعی و حرکت قیلگنلری بیرحالده، بیراق اولردن کوپ قطاری نیچه مدت ایشچیلیک‌دن کیین، قیته افغانستان گه یوباریله‌دی.
شونینگدیک مهاجرلر وزیرلیگی نینگ آماری اساسیده، اوتگن بیر هفته‌ده ۹ مینگ‌دن آرتیق افغان مهاجر، ایران‌دن قیته یوباریلگن.
