لوگر ولایتی یشاوچیسی شکرالله، ننگرهار بیلیم یورتی نینگ انجنیر‌لیک بولیمی‌دن فارغ بولگن دیر. اونینگ ایتیشیچه، اونلرچه اداره گه ایش اوچون باش اورگن؛ بیراق اداره‌لردن هیچ بیری اونینگ ایش خصوصیده‌گی ایسته‌گی گه ایجابی جواب قیته‌رمه‌گن دیر.
اونگه کوره، حکومت لوگر ولایتی‌ده‌گی یاش ییگیتلر اوچون ایش زمینه‌سی نی فراهم قیلیشی کیره‌ک.
بیزلرنینگ فیسبوک صحیفه‌میزگه باش اورینگ!
شکرالله نینگ کوپه‌یتیریشیچه: «تحصیل قیلگن‌مین؛ بیراق مینی هیچ کیم ایش گه آلمه‌یدی. نیچه مرته سی‌وی و سند‌لریم نی دولتی نهاد‌لر و موسسه‌لر گه یوباردیم؛ اما اولردن هیچ بیری مینی شارت‌لست هم قیلمه‌دی. یاش ییگیتلر نینگ وضعیتی جوده‌یم یامان دیر. دولت ایش‌سیز کیشی‌لر اوچون ایش زمینه‌سی نی فراهم قیلیشی کیره‌ک.»
لوگر ولایتی محمد‌آغه تومنی یشاوچیسی کریم‌الله نینگ سلام‌وطندار گه ایتیشیچه، ایکی ییل آلدین بیلیم یورت‌دن فارغ بولگن، بیراق دولتی و نادولتی نهاد‌لردن هیچ بیری اونی ایش گه آلمه‌گن.
اونینگ کوپه‌یتیریشیچه، کوپینچه پیت‌لرده انسان‌لر رابطه اساسیدده، دولتی و نادولتی نهاد‌لرده گه ایش گه آلینه‌دی.
عین حالده، لوگر معلومات و مدنیت ریاست رئیسی رفیع‌الله صمیم نینگ سلام‌وطندار گه ایتیشیچه، اوشبو ولایت نینگ محلی اداره‌سی ایش‌سیز ییگیتلر و بیلیم یورت‌لردن فارغ بولگن‌لر اوچون ایش فرصت‌لری نی فراهم قیلیش گه متعهد دیر.
بیزلرنینگ توییترده هم تعقیب قیلینگ!
اونینگ سلام‌وطندار گه ایتیشیچه: «هر بیر توزوم ایش‌سیز کیشی‌لر اوچون ایش زمینه یره‌تیش گه مسئولیتی بار. شونینگدیک لوگر ولایتی اداره‌سی ایش‌سیز کیشی‌لر اوچون ایش زمینه یره‌تیش گه موظف دیر. معلوماتیم اساسیده، اداره‌لر، موسسه‌لر و کان ایشلب چیقاروچی کبی دولتی شرکت‌لرده‌گی بوش بست‌لرده ایش‌سیز کیشی‌لر نی ایش گه آلیش خصوصیده سعی و حرکت‌لر نینگ دوامی بار.»
عین حالده، سابق حکومت نینگ قولشی نتیجه‌سیده ایش فرصت‌لر نینگ اورته‌دن کیتیشی و دولتی اداره‌لرده جذب بولیش فایزی کم بولیشی سبب، مملکت نینگ تورلی ولایت‌لریده تحصیل کورگن کیشی‌لر ایش‌سیزلیک خصوصیده شکایت‌لری بار.
