کابل نینگ بیر بورچه‌گیده جایلیشگن، کیچیک پنجره‌سیدن آز یاروغ‌لیک کیره‌دیگن بیر اتاققه کیردیم. اوشبو اتاق نینگ بیر چیکه‌سیده، سیماسی‌دن بخت‌سیزلیک نمایان و قیغو_الم بیلن یاتگن بیر ییگیت نینگ ایتیشیچه، بیر یریم ییل‌دن بویان کسل‌لیک توشه‌گیگه یاتگن و حتا جایی‌دن توریش گه کوچی ییتمه‌یدی. توقیز کیشی‌لیک عایله سرپرستی بولمیش خال‌الدین اسم‌لی مذکور کیشی، کسل‌لیک طفیلی، کوریش قابلیتینی قولدن بیرگنینی بیان قیله‌دی.
باله‌لری گه آزیق-آوقات تیارلش گه کوچی ییتیشمه‌گن خال‌الدین نینگ عایله‌سی، کابل ده‌گی خصوصی کسل‌خانه‌لردن بیریده اونینگ درمان قیلینیشی اوچون، ۱۰۰ مینگ افغانی نی تیارلش خصوصیده کوپ قیین بیر احوال‌ده قالگن‌لر.
خال‌الدین نینگ ایتیشیچه: «کابل ده فرانسوی کسل‌خانه دارو و بستر هزینه‌سیدن باشقه، عملیات اوچون بیرلک افغانی آلیش‌لری نی بیان قیلدیلر و شونینگدیک بو مقدار پول بیلن هم توزلیب و توزلمه‌یشیم بیللی ایمس.»
بیزلرنینگ فیسبوک صحیفه‌میزگه باش اورینگ!
شوندهی بیرحالده، خال‌الدین نینگ آنه‌سی نینگ ایتیشیچه: «ایکی قیزیم نی پلاستیک ساتیش بیلن ۳۰ یا-ده ۵۰ افغانی قول گه کیلتیریش‌لری اوچون یوباره‌من. بوگون ایرتنگ چاغی بیر قوطی شربت نی پولی نی هم تاپه آلمه‌دیک. اوی صاحبی نی یانیگه باریب ۱۰۰ افغانی قرض آلدیم.»
شونینگدیک خال‌الدین نینگ تورموش اورتاغی نینگ ایتیشیچه: «یاتگن بیر باله کبی دیر، برچه ایش‌لری نی انجام بیره‌من. بیر یریم ییل‌دن بیری برچه نرسه‌دن قالگن‌‌مین و حاضر ایسه کوپ فکر قیلگنیم اوچون اعصاب قیین‌چیلیک تاپگن‌مین.»
قشاق‌لیک و کم‌بغل‌لیک سبب، افغانستان یشاوچیلریدن میلیون‌لرچه‌سیدن بیری خال‌الدین، کسل‌لیگی نی درمان قیلیش گه کوچی ییتیشمه‌یدی.
ایمرجنسی کسل‌خانه‌سی و ساغلیق فاجعه بولیمی‌ده تعلیمی و تحقیقات مرکزی افغانستان نینگ اون ولایتیده بیر مینگ و ۸۰۰ کیشی بیلن مصاحبه آلینگن ینگی بیر گزارشی‌ده ایتیشیچه، هر بیر بیش مصاحبه بیرووچی‌دن بیرته‌سی درمانی خذمت‌لردن فایده‌لنه‌آلمه‌یشی سبب، عایله یا-ده دوست‌لریدن بیری نی قولدن بیرگن دیر.
باشقه بیر تامان‌دن، قشاق‌لیک‌دن رنج ایلته‌دیگن و کسل‌لری نینگ درمان بولیشی اوچون درمان هزینه‌سی نی قرض آله‌دیگن یشاوچیلردن کوپ قطاری نینگ ایتیش‌لریچه، مملکت‌ده کیفیت‌لی و ستندرد طبی خذمتلر ارایه بولمه‌یشی، کسل‌لر نینگ درمان بولمه‌یشی و کسل‌لیک یانیده قرض‌دارلیک قیین‌چیلیگی نینگ کوپه‌یشی گه سبب بولگن.
تخار یشاوچیسی محمد‌حسن، اوشبو ولایت‌ده کیفیت‌لی و ستندرد طبی خذمتلر ارایه بولمه‌یشی سبب، عایله اعضالریدن بیری نی درمان اوچون کابل گه کیلتیرگن دیر. اونینگ ایتیشیچه، کابل ده‌گی خصوصی کسل‌خانه‌لریدن بیریده کوپینچه هزینه بیلن کسلی نی بستر قیلگنی بیرحالده، بیراق کسلی نینگ درمانی‌دن نیچه کون اوتگنی‌دن کیین، اونینگ درمان بولیشی گه کوچلری ییتیشمه‌یشی نی بیان قیلگنلر.
بیزلرنینگ توییترده هم تعقیب قیلینگ!
شوندهی بیرحالده، عامه ساغلیق وزیرلیگی سوزلاوچیسی شرافت زمان امرخیل، خصوصی کسل‌خانه‌لر فعالیتی نینگ دایم نظارت بولیشی گه اشاره قیلیب و ایتیشیچه، اوشبو وزیرلیکی خصوصی کسل‌خانه‌لرده طبی خذمتلر ارایه‌سی نرخی نی کنترول قیلیش طرحی نی ایشلماقده دیر.
«برچه گه بیر طرز‌العمل توزتیب و اونینگ اساسیده، کسل‌خانه‌لر درجه‌بندی بولیشی گه قرار آلگن‌‌میز و شونینگدیک اوشبو اساس‌ده، فیس تعیین بوله‌دی. بو ایش ان‌شاءالله یقین‌ده نهایی بولیب وبوتون مملکت‌ده عمل گه آشیریلیشی ممکن.»
عین حالده، عامه ساغلیق وزیرلیگی مملکت‌ده یالغیز درمانی خذمت‌لردن اوچ فایزی نی ارایه قیله‌دی و جدی کسل‌لیک‌لر درمانی اوچون ساغلیق سکتور‌لر نینگ ناتوان‌لیگی سبب، افغانستان یشاوچیلریدن اون‌لرچه‌سی درمان اوچون قوشنی و منطقه مملکت‌لر گه کیته‌دیلر.
