Asset 1SWN

تخار یشاوچیلری: طبی خذمت‌لردن فایده‌لنیش اوچون ساعت‌لرچه کوته‌میز

Taxar kasalxonasi1

تخار ده ساووق و موسومی کسل‌لیکلر سانی کوپه‌یشی بیلن، اوشبو ولایت یشاوچیلریدن قطاری، دولتی کسلخانه‌لرده طبی خذمت‌لردن فایده‌لنه آلمسلیکلریدن شکایت قیله‌دیلر.

تخار مرکزی تالقان شهری یشاوچیلریدن امیرمحمد نینگ سلام‌وطندار گه ایتیشیچه، خصوصی کسلخانه‌لر نینگ خرجتینی تأمینله‌ آلمسلیگی باعث، درمان اوچون ولایتی کسلخانه گه مراجعت قیلگن.

اونگه کوره: «اقتصادی یخشی بولگن کیشی‌لر شخصی کسلخانه‌لر گه مراجعت قیلیب یخشی دوالنه‌دیلر، بوییرده بیر کیچه_کوندوز ده اوچ_تورت مینگ افغانی‌میز صرفلندی، اقتصادی قیینچیلیک باعث ولایتی کسلخانه گه مراجعت قیلدیک.»

بیزلرنینگ فیسبوک صحیفه‌میزگه باش اورینگ!

اوشبو کون‌لرده تخار ولایتی کسلخانه‌سیده کسل‌لر سانی کوپه‌یشی باعث، کسل‌لر طبی خذمت‌لردن فایده‌لنیش اوچون ساعت‌لرچه کوتیش گه مجبور دیر.

تخار یشاوچیلریدن قطاری، شفاکار یوق‌لیگی باعث ولایتی کسلخانه ‌ده بیمارلر سانی کوپه‌یگن. اولر ساغلیق‌نی سقلش وزیرلیگیدن، تخار ولایتی کسلخانه‌سیده موجود قیینچیلیک حلی اوچون دقت قیلیشینی طلب قیله‌دیلر.

تخار یشاوچیلریدن محمدحسین گه کوره: «اقتصادی قیینچیلیک باعث کسلی‌میزنی ایکی کون آلدین دولتی کسلخانه گه آلیب باردیک و نوبت ییتمه‌دی، مجبورلیک دن شخصی کسلخانه گه مراجعت قیلدیک، شخصی کسلخانه گه کوپ پول مصرف قیلسک ده، لیکن نتیجه کورمه‌دیک.»

تخار ولایتی کسلخانه مسئوللری، اوشبو کسلخانه ده شفاکار آزلیگینی قبول قیلیب ایتیشلریچه، موسومی کسل‌لیکلر کوپه‌یشی سبب، مناسب وقتده برچه بیمارلرنی دوالش قیین دیر.

بیزلرنینگ توییترده هم تعقیب قیلینگ!

اولر نینگ ایتیشلریچه، مذکور کسلخانه ۲۰۰ بیمارنی بستر قیلیش ظرفیتی گه ایگه دیر.

تخار ولایتی کسلخانه آمری حیات‌الله امامی نینگ سلام‌وطندار گه ایتیشیچه: «تخار ولایتی کسلخانه‌سی ۱۵۰ بستر ایدی ۲۰۰ بستر گه کوپه‌یتیریلدی و ایشلری بیر آز آلغه آلیب باریلگن، ۵۰ بستر تشکیلی حوت آی گچه منظور بوله‌دی و ینگی تشکیل کیلیشی بیلن، کسلخانه نینگ پرسونل قیینچیلیگی هم حل بوله‌دی.»

هر ییلی قیش موسومی ده، موسومی کسل‌لر سانی آشیب و تخار ولایتی کسلخانه‌سیده بیمارلرنی دوالش امکانیتی کمیه‌دی.

مرتبط با این خبر:

شریک قیلینگ:
خبر اوقووچی
تیگیشلی خبرلر و تحلیل‌لر

سلام‌وطندار خبرلری و گزارش‌لری نینگ اجتماعی ترماق‌لردن تعقیب قیلینگ:

توییتر

تلگرام