هرات ولایتی کُشک‌کهنه تومنی یشاوچیلری نینگ سلام‌وطندار گه ایتیش‌لریچه، اوتگن ۲۰ ییل جریانیده سابق حکومت مسئوللری ساغلیق، اجتماعی و تعلیم وضعیتی خصوصیده هیچ توجه قیلمه‌گنلر که انه شوو سبب، اولر کوپینچه قیین‌چیلیک بیلن روپه‌ره بولگنلر.
هرات ولایتی کُشک‌کهنه تومنی یشاوچیلری سابق حکومت مسئوللریدن تنقید‌لب، اسلامی امارت مسئوللری تامانیدن قیین‌چیلیکلری نینگ حل بولینیشی نی ایسته‌گنلر.
هرات ولایتی کُشک‌کهنه تومنی یشاوچیلریدن عبدالله نینگ ایتیشیچه: «اوروش‌لر نتیجه‌سیده اوشبو دولتی ساحه‌لر گه هیچ بیر توجه صورت تاپمه‌‌گن، مکتب یوق و انه شوو مسجد ایچیده درس اوقیدیلر. حاضر ایسه ایچیم‌لیک سوو خصوصیده هم قیین‌چیلیک بیلن روپه‌ره بولگن‌میز. قودوق‌لر سووی هم قوریگن دیر.»
بیزلرنینگ فیسبوک صحیفه‌میزگه باش اورینگ!
شونینگدیک کُشک‌کهنه تومنی یشاوچیلریدن باشقه بیری شیراحمد نینگ ایتیشیچه: «تومنی‌میزده برق، سرک و حتی داکتر بیلن یخشی بیر دارو هم یوق.»
باشقه بیر تامان‌دن، هرات ولایتی کُشک‌کهنه تومنی یشاوچیلریدن قطاری نینگ ایتیش‌لریچه، شهرگچه باریش-کیلیش اولر اوچون قیین بوله‌دی و اولر کسل‌لری نی درمانی مرکزلر گه انتقال بیریش اوچون، کوپینچه هزینه بیلن خراب سرک‌لر و اوزاق یول‌لر نی اوتکزیش گه مجبورلر.
هرات ولایتی کشک کهنه تومنی یشاوچیلریدن حاجی ستار نینگ ایتیشیچه: «سرک‌لری‌میز جوده‌یم خراب دیر، ایرتنگ حرکت قیله‌میز و ۳ الی ۴ ساعت یول‌‌ده بوله‌میز. قیین‌چیلیگی‌میز انه‌شوولر دیر.»
هرات ولایتی کشک کهنه تومنی یشاوچیلریدن عبدالمعروف گه کوره: «کسل‌لیمیز نی اوشبو قیشلاغ‌دن کلینیک که آلیب-باریش نی ایسته‌گنی‌میز صورت‌ده، سرکی‌میز یوق. شو رقم واقعه‌لر‌ده قنچه مرته کسل یولگه هلاک بولگن. اسلامی امارت‌دن سرک‌لر نینگ توزه‌تیلیشی نی ایسته‌یمیز.»
بیزلرنینگ توییترده هم تعقیب قیلینگ!
شونده‌ی بیرحالده، هرات معلومات و مدنیت ریاست رئیسی نعیم‌الحق حقانی نینگ ایتیشیچه، اسلامی امارت حاضر ایسه اوشبو ولایت تومن‌لریده‌گی یشاوچیلری نینگ قیین‌چیلیکلری نی حل قیلیش اوچون فایده‌لی برنامه‌لر نی قولگه آلگن دیر.
هرات نینگ کشک کهنه تومنی ۲۱۵ کیچیک و بویوک قیشلاغ گه ایگه دیر که هرات شهری نینگ شمال شرقی‌ده موقعیتی بار. اوشبو تومن تورغندی بندری بیلن چیگره‌داش دیر که سرکی نینگ ۷۵ کیلومتری پخته و ۳۰۰ کیلومتری ایسه خامه دیر.
