ساعت، توشدن کیین ۰۲:۰۰ نی کورستهدی. کابل شهرینینگ ۱۱-ناحیهسیده پیادهیولدن تشقری بیر بازار گه اوخشهگن و اونده اوتیب-قیتهدیگنلردن کوپراق تجارتی توارلر فضانی توتیب تورگن پیادهیوللردن بیریده توختهگنمین.
پیادهیوللردن بیر قسمی قول اوستیده سودا ساتهدیگنلر آرقهلی یاپیلگن و باشقه بیر قسمی مشتریلرنی جلب قیلیش اوچون دکانلر ایشیگی یانیده دکاندارلر آرقهلی تیریلیب قوییلگن توارلر آلگن. یالغیز کیچیک و ترتیبسیز بیر قسمی ایسه اوتیب-قیتهدیگنلر اوچون قالگن. شونینگدیک مذکور پیادهیوللرنینگ بیر قسمی کابل شهرینینگ پیاده یوللریدن کوپینچهسی کبی بایسکیل و موترسایکل توختهگن محل گه اوزگرگن.
کابل شهری ایکینچی ناحیه یشاوچیسی عبدالباسط و تورتینچی ناحیه یشاوچیسی محمدعثمان، قول اوستیده سودا ساتهدیگنلر و دکاندارلر آرقهلی پیادهیوللرنینگ یاپیق قالگنیدن شکایت قیلهدیلر. عبدالباسطنینگ کوپهیتیریشیچه: «بعضا توارلرینی دکاندن تشقریگه قویهدیلر و کراچی هیداوچیلر هم کراچیلرینی پیاده یوللرگه توختهتگنلر. شونینگدیک باشقه بیر قطار کیشی بایسکل و موترسایکللرینی توختهتگنلر که بو موضوع اوتیب قیتهدیگنلرنی قیینچیلیک بیله روپهره قیلهدی.»
شونیندیک محمدعثمانگه کوره: «بو وضعیت یشاوچیلردن برچهسینی قیینچیلیک بیلن روپهره قیلگن؛ بیراق کیکسهلر، بالهلر، ناگران کیشیلر و جسمی قیینچیلیک بولگن کیشیلرگه کوپراق قیینچیلیک یرهتگن. بو کیشیلر باریب کیلیشده جدی قیینچیلیکلر بیلن دوچ بولهدیلر و بعضا پیاده یوللردن حتا اوته آلمهیدیلر.»
ییللردن بویان عایله نیازلرینی قول اوستیده سودا ساتیش یولیدن تامین قیلهدیگن ۵۵ یاشر نجیباللهنینگ ایتیشیچه، توارلرینی پیادهیوللردن بیرینینگ بیر چیکهسیگه قوییب و اوتیب-قیتهدیگنلر گه قرهب اولتیرگن. نجیباللهنینگ ایتیشیچه، قول اوستیده سودا ساتهدیگنلر هم شهر ترتیبینی ایستهیدی؛ لیکن باشقه بیر جایگه انتقال بیریلیش موضوعسی کوندهلیک خرهجتلری و مشتری تاپیشنی اولر اوچون قیینلشتیرهدی. «اصلی قیینچیلیک بو که حاضرگچه بیزلرنینگ انتقال بیریلیشیمیز اوچون جای بیللی بولمهگن. بیزلرنینگ هم عایلهمیز بار و اولرنینگ صرف-خرهجتلرینی تامین قیلیشیمیز کیرهک، انه شوو سبب سرک چیکهسی و پیاده یوللر گه اولتیریب و نرسه ساتیشگه مجبورمیز که عایله نیازلرینی تامین قیله آلهیلیک.»
شونینگدیک پیاده یوللرگه توارلرینی تیرگن دکاندارلردن قطارینینگ ایتیشلریچه، مشتری جلب قیلیش اوچون توارلرینینگ بیر قسمینی دکاندن تشقری پیاده یولگه تیریشگه مجبورلر. کابل شهری ۱۷-ناحیهسیدهگی دکاندارلردن موسانینگ بوتوغریده ایتیشیچه: «دکان ایچیده جای کملیگی اوچون توارلردن بیر قسمینی ساتیلیش اوچون پیاده یوللرگه قوییشگه مجبورمیز. توارلر مشتریلرنینگ کوزی ایلگریسیده بولمهگنی صورتده، تولرلر ساتیلیشی قیینلشهدی و درآمدیمیز هم کمهیهدی.»
شوندهی بیرحالده، کابل بلدیهسی فرهنگی ایشلری بوییچه مصلحتچیسی نعمتالله بارکزینینگ ایتیشیچه، اوشبو اداره پیاده یوللرنینگ اوتیب-قیتهدیگنلرگه بوشهتیلیشی و قول اوستیده سودا ساتهدیگنلر فعالیتی اوچون بیللی و منظم بازارلرنی یرهتیش مقصد سعیوحرکت قیلماقده. «قبول قیلیش کیرهک که کابل شهرینینگ بوتونلی مدیریت قیلیش وقت آلهدی و دایمی بیر ریجهلشتیریشگه نیازی بار. سرکلر و پیاده یوللر وضعیتی یخشیلنیشی اوچون شهر سطحیده تورلی لایحهلر عملگه آشیریلماقده که شهر نظمی استه-سیکین یخشیلنسه.»
جمعیتشناسلرنینگ ایشانچیگه کوره، بو قیینچیلیک حلی عملگه آشیریلهدیگن اقداملر بیلن ممکن ایمس، بلکیم شهرده یشش فرهنگی کوچلنیشی و یشاوچیلیک حقوقی همده مسئولیتلری حقیده عمومی آگاهیلیک آشیریلیشیگه نیاز دیر.
بوندن آلدین جمیعتشناسلردن شعیب احمدینینگ ایتیشیچه: «پیاده یوللردن فایدهلنیش فرهنگی رواجلنیشی و یشاوچیلیک حقوقیگه حرمت قایل بولیش اوچون کینگ کولملی آگاهیلیک بیریلیشگه نیاز بار. ییتکرمهلر، تعلیمی مرکزلر، دولتی و خصوصی نهادلر اهالی آگاهیلیگی کوپهیشی همده شهرده یشش فرهنگینی مستحکمده مهم اورینگه ایگه بوله آلهدیلر. شونینگدیک پیاده یوللردن فایدهلنووچیلر اوچون مناسب شرایط یرهتیلیشی و فیزیکی توسیقلر کمهیشی، اهالینی اوشبو آسایشتهلیکلردن کوپراق فایدهلنیشلریگه تشویق قیلهدی.»
کابل افغانستاننینگ اینگ گوجوم شهرلری صفتیده، اوتگن ییللردن بویان شهرنینگ تورلی بولیملریده پیادهیوللرنینگ یاپیق قالیش قیینچیلیگی بیلن روپهره دیر. اوتیب قیتووچیلر اوچون توزهتیلگن مذکور پیاده یوللر، کوپینچه پیت قول اوستیده سودا ساتووچیلر و نقلیه واسطهلر توختهتیلیشی سبب، اوتیب قیتیش اوچون فایدهلنیلمهیدی.
