پایتخت کابل یشاوچیلریدن بیرقطاری، بو شهر ده موترلر گوجوم‌لیگیدن نالیب ایتیشلریچه، موترلر حد دن آشه کوپ‌لیگی باعث سرک‌لر ده سیغمه‌ی قالگن.
اولر شهری موترلر اوچون انیق بیکت‌لر یوق‌لیگی و یشاوچیلر نینگ هیداوچیلیکّه یوز کیلتیریشنی گوجوم‌لیک عامللریدن عنوان قیله‌دیلر.
کابل یشاوچیسی ذبیح‌الله گه کوره: «ترافیکی گوجوم‌لیک عاملی هیداوچیلر نینگ اورین‌سیز توخته‌تیشی دیر یورهکلری بولگن جای ده موترلرینی توخته‌تیشه‌دی. بیکت یوق‌لیگی هم گوجوم‌لیک عامللریدن بیری دیر. ترافیکی گوجوم‌لیک کمه‌یشی اوچون دولت هر ساحه ده انیق بیکت قوریشی درکار.»
بیزلرنینگ فیسبوک صحیفه‌میزگه باش اورینگ!
کابل یشاوچیلریدن باشقه بیری شاهدالله حبیبی نینگ ایتیشیچه: «یشاوچیلر یول چیتیده موترلر نی کوپ توخته‌تیشه‌دی و بو ترافیکی گوجوم‌لیکّه سبب بولگن، ترافیک اوز ایشینی قیلماقده لیکن هیداوچیلر دقت‌سیزلیک قیله‌دی و بو دقت‌سیزلیک‌لر گوجوم‌لیکّه سبب بوله‌دی. قیینچیلیک کوپ و اوزیم عبدالحق تورت یولی و ده‌افغانان یولی ده گوجوم‌لیک طفیلی ایکی ساعت بند قالدیم.»
باشقه تاماندن، کابل شهری ده‌گی هیداوچیلر نینگ ایتیشلریچه، موترلر بیکتی یوق‌لیگی باعث اولر یولاوچی آلیش اوچون یوللر چیتیده توخته‌تیش گه مجبور بوله‌دیلر.
بو هیداوچیلر گه کوره، حد دن آشه گوجوم‌لیک باعث کوپ وقت‌لری سرک‌لر ده اوته‌دی.
بیزلرنینگ «ایکس» ترماغی ده هم تعقیب قیلینگ!
کابل شهری ده هیداوچیلر دن غلام دستگیر نینگ ایتیشیچه: «قیینچیلیک کوپ و موترلر گوجوم‌لیگی حد دن تشقری دیر و کوپ وقتی‌میز سرک‌لر ده اوته‌دی، انیق قاعده یوق و یورهکلری بولگن جای ده توخته‌تیشه‌دی، یشاوچیلر بیکار بولگنلر اوچون هیداوچیلیکّه یوز کیلتیرگن و یخشی نظام شکللنیب و بیزلر اوچون انیق بیکت‌لر قوریلیشینی ایسته‌یمیز.»
عین‌حالده، کابل ترافیک ریاستی مسئوللری نینگ ایتیشلریچه، کابل شهری ده ترانسپورتی واسطه‌لر نی باشقریش اوچون کابل بلدیه‌سی، ترانسپورت وزیرلیگی و ملکی هوا یوللری وزیرلیگی یاردمی بیلن کیله‌سی ییل «اسمارت سیتی» آتیده پروژه نی عملگه آشیریش‌لری ممکن.
کابل ترافیک ریاستی عمومی باشلیغی حسیب‌الله مختار گه کوره، کابل شهری ده ترتیب اورنه‌تیش مقصدیده کیلیشوونامه تیارلنگن و ترقیاتی بودجه‌سی هم یقینده امضالنیشی کوتیله‌دی.
او نینگ کوپه‌یتیریشیچه: «کابل شهری ده ترتیب اورنه‌تیش اوچون کیله‌سی ییل اسمارت سیتی آتیده‌گی لایحه نی عملگه آشیریش گه نیت قیلگن‌میز ترقیاتی بودجه‌سی یقینده امضالنیشی ممکن. کیینگی ریجه شهری تکسی‌لر اوچون بیکت قوریش دیر، بو یول بیلن تکسی‌لر و شخصی موترلر گه یول چیتیده توخته‌تیش ایزینی بیریلمه‌یدی.»
کابل شهری یشاوچیلری ترافیکی گوجوم‌لیک و ترتیب‌سیزلیک دن نالیگن بیرحالده، کابل ترافیک ریاستی مسئوللری پایتخت ده ترتیب اورنه‌تیش و گوجوم‌لیک‌لرنی کمه‌یتیریش اوچون کیلیشونامه امضالنیشیدن خبر بیره‌دیلر.
