کابل یشاوچیلریدن قطاری نینگ ایتیش‌لریچه، پایتخت نینگ سرک‌لریدن قطاری‌ده کراچیلر، دکاندارلر نینگ ماللری و قول اوستیده سودا ساته‌دیگن‌لر نینگ حضوریدن زیریکنلر.
کابل شهری یشاوچیلریدن محبوبه نینگ ایتیشیچه، دکاندارلر و کراچیلر اوچون پیاده یوللر نینگ بند‌لیگی سبب، کوپینچه پیت قیین‌چیلیک‌لر بیلن روپه‌ره بولگن.
اونینگ کوپه‌یتیریشیچه: «نیچه مرته یول یوقلیگی اوچون ییقیلدیم. یانیمیزده بیر باله بولگنی پیتده، سرک‌دن یوریماق هم درست ایمس. پیاده یوللر اهالی نینگ اوتیشی اوچون دیر، بیراق برچه پیاده یوللرده دکاندارلر، مال و سودا‌لری نی قویه‌دیلر که بو اهالی نی قیین‌چیلیک بیلن روپه‌ره قیلگن.»
بیزلرنینگ توییترده هم تعقیب قیلینگ!
شونینگدیک کابل یشاوچیسی بولمیش مرتضا نینگ ایتیشیچه: «دولت کراچیلر گه بیللی بیر ییر نی توزه‌تیشی کیره‌ک که، بو رقم اولر هم قیین‌چیلیک بیلن روپه‌ره بولمه‌سین‌لر و دولت هم. اهالی قیین‌چیلیگی نینگ حلی اوچون اوشبو قیین‌چیلیک نینگ حل بولیشی کیره‌ک.»
شونده‌ی بیرحالده، کابل نینگ قلعه‌فتح‌الله منطقه‌سیده‌گی دکان‌دارلردن بیری حسیب‌الله نینگ ایتیشیچه، پیاده یوللر نینگ یاپیق‌لیگی سبب، کوپینچه پیت مشتری‌لری نی قولدن بیره‌دی.
او اوشبو وضعیت‌دن شکایت قیلیب و کوپه‌یتیریشیچه: «اهالی قوله‌ی شکلده سودا آله‌لمه‌یدی چونکه، پیاده یوللر بند. توش‌دن کیین گوجوم بوله‌دی و قیین‌چیلیک‌لریمیز کوپ، برچه کراچیلر اهالی یولینی بند قیلگن دیر.»
شونینگدیک کابل شهری نینگ پیاده یول‌لریدن بیریده میوه ساته‌دیگن ویس‌الله نینگ ایتیشیچه، بیر لقمه نان تاپیش اوچون پیاده‌یول‌لرده کراچی‌سی نی قوییش گه مجبور دیر.
ویس‌الله نینگ کوپه‌یتیریشیچه: «سرک‌لر نی بند قیلگنی‌میز یوق. موترلر هم درست بیر شکلده اوتیب-قیته‌دی و اهالی هم. اوز ایشیمیز بیلن مصروف‌میز.»
بیزلرنینگ فیسبوک صحیفه‌میزگه باش اورینگ!
بیراق کابل بلدیه مسئوللری نینگ ایتیش‌لریچه، پیاده یوللر نی بند قیلگن کیشی‌لر بیلن قانونی یانده‌شیله‌دی و کراچیلر کابل شهری نینگ سرک‌لری و پیاده یول‌لریدن توپلنه‌دی.
کابل بلدیه‌سی سوزلاوچیسی نعمت‌الله بارکزی نینگ ایتیشیچه: «پیاده یوللر اهالی نینگ اوتیب-قیتیش یولی دیر و هیچ کیم اونی بند تشله‌ش گه حقی یوق. بیللی بیر سروی قولیمیزده و بیللی کون‌لر اولر نی ترتیب قیله‌میز.»
عین حالده، کابل یشاوچیلری یشش منطقه‌لردن قطاری‌ده کراچیلر و دکاندارلر آرقه‌لی پیاده یوللر نینگ بند قیلینیشی‌دن شکایت قیلیب، کابل بلدیه‌سیدن کراچیلر اوچون بیللی ییرلر نی نظر گه آلینیشی نی ایسته‌یدیلر.
