پایتخت یشاوچیلریدن بیر قطاری، هوا افلاسله‌نیشی کوپه‌یشیدن شکایت قیلیب ایتیشلریچه، هوا افلاسله‌نیشی بیلن اهالی آره‌سیده کسل‌لیکلر کوچه‌‌یب و اولر نینگ تیریکچیلیگینی قیینلشتیرگن.
اولر، قیش موسمیده هوا افلاسله‌نیشی گه دایر اسلام امیرلیگی نینگ دقت‌سیزلیگیدن نالیب و بوتوغریده حکومت‌نی بی‌فرقلیککه عیبله‌یدیلر.
کابل یشاوچیلریدن بشیر حیدری گه کوره: «قیش ده هوا کوپ افلاسلنه‌دی؛ چونکه یشاوچیلر نینگ افتصادی احوالی یخشی ایمس، پلاستیکی ماده و تاش کومیردن قوللنه‌دیلر و شونینگدیک، کابل شهری ده ترانسپورتی واسطه‌لر کوپ و هوا دغللیگیگه سبب بوله‌دی.»
اونینگ کوپه‌یتیریشیچه، هوا دغللیگی انسان‌لر نینگ سلامت‌لیگیگه نقصان ییتکیزه‌دی، برچه کیشی اینیقسه باله‌لر زیان کوره‌دی.
بیزلرنینگ فیسبوک صحیفه‌میزگه باش اورینگ!
عین‌حالده، کابل یشاوچیلریدن باشقه بیری سلیمان گه کوره، «قیش ده هوا حد دن آشه افلاسلنه‌دی، شام چاغی هوا دودلی بوله‌دی؛ چونکه اوی‌لرده پلاستیکی ماده و تاش کومیردن قوللنه‌دیلر، یاغاچ دن کیمسه قوللنمه‌یدی؛ چونکه اهالی نینگ اقتصادی ضعیف دیر.»
شونینگدیک کابل یشاوچیلریدن باشقه بیری فرشته رحمانی نینگ ایتیشیچه، حکومت نینگ هوا افلاسلیگینی باشقریش اوچون هیچ برنامه‌سی یوق. اونینگ کوپه‌یتیریشیچه: «حاضر افغانستان ده آب‌وهوا نقطه‌ی نظردن قیینچیلیک کوپ دیر، افغانستان نینگ آب‌هواسی افلاس‌لنگن. چونکه مردم نینگ اقتصادی احوالی یخشی ایمس، یشاوچیلر یشش اوی‌لرینی ایسیتیش اوچون پلاستیکی ماده و تاش کومیردن قوللنه‌دیلر، بولر هوا افلاس‌له‌نیشیگه سبب بوله‌دی. هوا دغللیگینی آلدینی آلیش اوچون برنامه‌لری بولسه یخشی بوله‌دی.»
شو بیلن بیرگه، یشش محیط نی اسره‌ش ملی اداره مسئوللری نینگ ایتیشلریچه، قیش موسمی ییتیب کیلیشی بیلن هوا افلاسلیگینی آلدینی آلیش اوچون ریجه توزگندیلر؛ بیراق باغلیق اداره‌لر نینگ بی فرق‌لیگی باعث، اوشبو برنامه‌لرینی اساسی شکلده عملگه آشیره آلمه‌گنلر.
بیزلرنینگ توییترده هم تعقیب قیلینگ!
یشش محیطنی اسره‌ش ملی اداره نینگ نظارت و تفتیش باشلیغی بصیر امین نینگ سلام‌وطندار گه ایتیشیچه: «قطار اداره‌لر نقلیه واسطه‌لری خصوصیده قیینچیلیگی بار، ترانسپورت وزیرلیگینی قیینچیلیگی بار، منتظم ترانسپورتی سیستم یوق. برشنا نی هم اوز قیینچیلیگی بار، مملکت ده ۲۴ ساعت برقی‌میز یوق.»
یشش محیط ایش بیلرمان‌لری، هوا افلاس‌لیگی اولکه یشاوچیلرینی استه_سیکین هلاک ایتیشیدن آگاه‌لنتیره‌دیلر.
