سوو و برق وزیرلیگی رسمی‌لری قورغاق‌چیلیک سبب، ایچیملی سوو تنقیصلیگی‌دن خبر بیرگنلر. بوگون کابل ده مطبوعاتی ییغینده اشتراک ایتگن سوو و برق وزیرلیگی سرپرستی عبداللطیف منصور نینگ ایتیشیچه، اوتگن ییل‌لر گه قره‌گنده، کابل ده کونسه‌یین ییر آستی سوولری کمه‌یماقده دیر.
جناب منصور گه کوره، کابل یشاوچیلری سوو کملیگی بیلن روپه‌ره بولگنلری بیرحالده، مثلی کوریلمه‌گن درجه‌ده سوو مصرف قیله‌دیلر.
بیزلرنینگ فیسبوک صحیفه‌میزگه باش اورینگ!
سوو و برق وزیرلیگی سرپرستی، اهالی تامانیدن سوو کوپ مصرف ایتیلیش عاقبت‌لریدن آگاه‌لنتیریب ایتیشیچه، پایتخت یشاوچیلری سوو مصرفی خصوصیده دقت قیلمه‌گنلری تقدیرده، کابل ایچیملی سوو تنقیص‌لیگی بیلن روپه‌ره بولیشی ممکن.
عبداللطیف منصور نینگ کوپه‌یتیریشیچه: «حاضرگی کبی سوو مصرف قیلینسه، کیله‌جکده کابل ده ایچیم‌لیک سوو نینگ تاپیلمه‌یشی ممکن.»
سوو و برق وزیرلیگی پنجشیردن کابل گه سوو انتقال بیریش خصوصیده ۳ میلیون دالر ارزشی بیلن بیر پروژه نی قولگه آلگنیدن خبر بیرگنی بیرحالده، کابل ده سوو کملیگی خصوصیده‌گی خواطرلر بیان بولگن.
شونینگدیک سوو و برق وزیرلیگی سرپرستی نینگ ایتیشیچه، پنجشیردن کابل گه سوو انتقال بیریش پروسه‌سی تطبیق بولگن صورت‌ده، پایتخت یشاوچیلری ایچیملی سوو بیلن تأمینلنه‌دیلر.
بیزلرنینگ توییترده هم تعقیب قیلینگ!
سوو و برق وزیرلیگی رسمی‌لری نینگ بیانات‌لری اساسیده، قوروغاقچیلیک و سوو کملیگی قیین‌چیلیگی، مملکت یشاوچیلریدن ۸۰ فایزی نی ضررلنتیریب و ایکینچیلر گه کوپینچه زیان ییتیشتیرگن.
