کوپلب توپراققه قویش مراسم‌لرده گزارش تیارلش اوچون حضور تاپگن ایدیم، لیکن بو مرته فرقلی بیر مراسمده حضور تاپدم.
بوندن آلدین انتحاری هجوم‌لر و پارتلش‌لرده قربان بولگن‌لر عمومی قبرستان‌لرده دفن ایتیله‌ریدی، لیکن بو بیرینچی مرته ایدی کابل کوچه‌لریده یالغیز ۲۰ قبر بولگن بیر قبرستان‌گه گواه بولدم.
آریانانیوز خبرچی‌سی مینا خیری و اونینگ آنه‌سی اوشبو قبرستان نینگ ینگی مهمان‌لری ایدی و مینا نینگ بو قبرستانده دفن ایتیلگن یاش بیر عیال بولیشی ممکن.
مینا خیری اوتگن “پنجشنبه” کونی شام چاغیده، کابل نینگ «پل سوخته» منطقه‌سیده یوز بیرگن پارتلشده یره‌لنگن، لیکن کسلخانه‌گه انتقال بیریلگنیدن سونگ، دنیا دن اوتگن.
خانم خیری، ایشی یکونلنگنیدن سونگ، اویی‌گه کیلیب آنه و سینگیلی‌سی بیلن ساتین-آلیش مقصد ده بازار بارگن، لیکن اویی‌گه قیتیب کیلیش جریانیده پارتلش بیلن دوچ کیلیب دنیا دن اوتگن.
مینا خیری نی آته‌سی عارف خیری نینگ ساغلیک وضعیتی یخشی ایمس، لیکن نیچه دقیقه ایاق اوستیگه توخته‌ب سونگ مرته قیزی و خانمی نینگ صورتی‌نی کوره‌دی.
عارف خیری نینگ ایتیشیچه، تینچ اهالی قانی نینگ توکیشی‌نی اسلام دینی و انسانیت‌گه جای یوق.
اونینگ اهالی خوفسیزلیگی‌نی تامین‌لش خصوصیده حکومت دقت‌سیزلیگیدن تنقید قیلیب ایتیشیچه، بوتوغریده دولت‌نی هیچ‌قنده‌ی برنامه‌سی یوق.
آریانانیوز مسوولی شریف حسن‌یار نینگ مینا خیری‌نی توپراققه قویش مراسمی‌ده ایتیشیچه، او، آریانا نیوز نینگ زحمت‌کش ایشلاوچی‌لریدن بیری ایدی و ایرکین سوز سقله‌نیشی اوستیگه تاکید قیله‌ریدی.
جمهورلیک ریاستی باشقه واقعه‌لر کبی بیر اعلامیه آرقه‌لی بو واقعه‌نی هم قاره‌لب و تروریستی عنوان قیلگن.
